U Varšavie zdymajuć mastacki film pavodle historyi kachańnia Kaciaryny Andrejevaj i Ihara Iljaša
«8 hadoŭ 3 miesiacy» — tak papiarednie nazyvajecca poŭnamietražny film biełaruska-polskaj režysiorki Mary Tamkovič. Jaho siužet natchniony historyjaj kachańnia biełaruskich žurnalistaŭ Kaciaryny Andrejevaj i Ihara Iljaša. «Ale ŭsio ž taki heta budzie mastackaja karcina», — adznačaje aŭtarka, padkreślivajučy, što jaje metaj nie było stvareńnie bijahrafičnaha filma.
Jak paviedamiła Mara Tamkovič Reform.by, idzie ŭžo treci dzień zdymačnaha pracesu, učora zdymali sceny, źviazanyja z zatrymańniem hałoŭnaj hieraini.
Mara Tamkovič viadomaja biełaruskamu i polskamu hledaču svajoj karotkamietražnaj stužkaj «U žyvym efiry» (Na žywo / Live), stvoranaj pa matyvach historyi zatrymańnia Kaciaryny Andrejevaj i Darji Čulcovaj padčas strymu z «Płoščy Pieramien». Film nieadnarazova byŭ adznačany na polskich i mižnarodnych kinafiestyvalach.
Jak skazała Mara Tamkovič, «8 hadoŭ 3 miesiacy», u adroźnieńnie ad «U žyvym efiry», kancentrujecca na temie kachańnia. Hałoŭnyja hieroi filma — heta žurnalisty Lena i Ilja. Jany prachodziać praz pratesty dy nastupstvy hetych pratestaŭ i ŭ žudasnych umovach namahajucca zachavać siabie jak paru, siamju.
Hałoŭnuju rolu ŭ karcinie budzie vykonvać Alaksandra Vajciachovič — taja ž aktrysa, jakaja zdymałasia ŭ «U žyvym efiry». Hałoŭnuju mužčynskuju rolu ŭ stužcy budzie ihrać litoŭski akcior.
Novy prajekt Mary Tamkovič prafinansavaŭ Polski instytut kinamastactva. Biudžet filma — 1 miljon złotych, usie zdymki buduć vieścisia ŭ Varšavie.
Kaciaryna Andrejeva (Bachvałava) i Ihar Iljaš — žurnalisty tielekanała «Biełsat», siamiejnaja para. U 2021 hodzie Kaciaryna atrymała 2 hady źniavoleńnia za strym z Płoščy Pieramien u Minsku. U źniavoleńni joj vystavili novaje abvinavačańnie ŭ «zdradzie dziaržavie» i prysudzili jašče 8 hadoŭ i 3 miesiacy.
Ihar i Darja Łosiki, Kaciaryna Andrejeva, Eduard Łobaŭ. Kaho Rada BNR uznaharodziła miedalom ordena «Pahoni»
«Prasiła pryvieźci niekalki sukienak i vieršy Brodskaha». Muž źniavolenaj Kaciaryny Andrejevaj zhadvaje ich spatkańni
«Lubyja prajavy pačućciaŭ spyniajucca». Žurnalistka Darja Čulcova, jakaja vyjšła na svabodu, — pra toje, jak žyvuć i kachajuć u kałonii
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha37
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137137
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary