Ministerstva achovy zdaroŭja Biełarusi pastanovaj № 75 ad 11 maja 2023 hoda pavysiła taryfy na niekatoryja stamatałahičnyja pasłuhi, u tym liku artapiedyčnyja, zubatechničnyja i pasłuhi pa pramianiovaj dyjahnostycy (renthienaŭskija zdymki zuboŭ).
«Dakumient pryniaty dla likvidacyi (źnižeńnia) stratnaści pa rehulavanych stamatałahičnych (artapiedyčnych i zubatechničnych) pasłuhach, jon praduhledžvaje ich pavyšeńnie na 30%», — havorycca ŭ kamientaryi ministerstva.
Minzdaroŭja nahadała, što ŭ adpaviednaści z zakanadaŭstvam płatnyja stamatałahičnyja (artapiedyčnyja i zubatechničnyja) pasłuhi padlahajuć cenavamu rehulavańniu.
«Pavyšeńnie hraničnych maksimalnych taryfaŭ na hetyja miedycynskija pasłuhi z 2015 hoda pravodziłasia tolki ŭ listapadzie 2021 hoda na 4%. Rehulavanyja płatnyja stamatałahičnyja (artapiedyčnyja i zubatechničnyja) pasłuhi, pa jakija ŭstanoŭleny hraničnyja maksimalnyja taryfy, siońnia stratnyja, u tym liku pa asobnych nazvach miedycynskich pasłuh admoŭnaja rentabielnaść dasiahaje 93%», — śćviardžaje viedamstva.
Pry hetym u Ministerstvie achovy zdaroŭja zapeŭnivajuć, što «na praciahu siami hadoŭ adbyŭsia rost vydatkaŭ arhanizacyj achovy zdaroŭja pa ŭsich artykułach (zarabotnaja płata, kamunalnyja płaciažy, transpart, suviaź i inšyja), kampiensavać jakija mahčyma za košt pavyšeńnia hraničnych taryfaŭ».
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA72
Kamientary