Vajna88

Rasijanie nie mieli inšaha płana zachopu Kijeva, jak vysadka ŭ Hastomieli — Budanaŭ

Ciapier, pa słovach hałoŭnaha raźviedčyka Ukrainy, paŭtorny nastup akupantaŭ ź Biełarusi — niemahčymy.

Kirył Budanaŭ Kiriłł Budanov
Fota: Serhii Nuzhnenko / AP

Kiraŭnik ukrainskaj raźviedki zajaviŭ, što rasijskija akupanty nie mieli nijakaha inšaha płana zachopu Kijeva, akramia «ŭdałaj» vysadki desantu ŭ Hastomieli (aeraport za 30 kiłamietraŭ na paŭnočny zachad ad Kijeva, niepadalok ad biełaruskaj miažy — NN). Pra heta kiraŭnik Hałoŭnaha ŭpraŭleńnia raźviedki Minabarony Ukrainy Kirył Budanaŭ zajaviŭ u intervju Dźmitryju Kamarovu, piša «Ukrainskaja praŭda».

«Uvieś płan byŭ — heta imklivaja vysadka pasadačnym sposabam [na aeradrom Hastomiel] i adtul iści. Heta byŭ naohuł adziny płan… Pa-pieršaje, jany nie vieryli, što tut budzie supraciŭ naohuł, pa-druhoje, jany vieryli, što impetna vysadziacca, i samalot za samalotam buduć vyhružać padraździaleńni, jakija adrazu buduć uvachodzić u Kijeŭ».

Budanaŭ dadaŭ, što ceły dzień 24 lutaha 2022 hoda rasijanie sprabavali vysadzić tam desant, i śviata vieryli, što im heta ŭdasca.

Pavodle jaho, nie apošniuju rolu ŭ hetym adyhrała taja infarmacyja, jakuju raspaŭsiudžvała ŭkrainskaja raźviedka.

«Taja, u jakuju jany chacieli vieryć, jana ŭsio ž uziała vierch. Čamu kazali, što rasijanie tupyja, nie vieryli, što ŭsio ž budzie vajna: jany nie ŭziali z saboj palivazapraŭščykaŭ, u ich tanki spynialisia, nie było padvozu charčoŭ, heta ŭsio praŭda. (…) Nichto nie spadziavaŭsia vajavać, jak u Maryupali. Varyjantaŭ takich nie było. Jany vieryli, što nichto nie zmoža stvaryć im surjoznaje procidziejańnie, i jany zojduć va ŭradavy kvartał, źmieniać kiraŭnictva. Tak jak, na ich dumku, kiraŭnictva dziaržavy na hety čas pavinna było b kudyści biehčy, kali nie — jany jaho źniščyli b», — skazaŭ Kirył Budanaŭ.

Kiraŭnik HUR dadaŭ, što Rasija ciaham dvuch tydniaŭ mianiała datu ŭvarvańnia. Kančatkovuju infarmacyju ab napadzie a 4-j ranicy 24 lutaha Ukraina atrymała prykładna ŭ 15:00 23 lutaha.

U toj ža čas, jon ličyć, što kali b Rasii ŭdałosia vysadzicca ŭ Hastomieli, to «Kijeŭ byŭ by ŭziaty».

Sa słoŭ Budanava, aktyŭna Rasija pačała rychtavacca da ahresii suprać Ukrainy z 2007 hoda, a ŭ 2014 hodzie akupanty skarystalisia zručnym dla ich momantam.

Pry hetym jon ličyć, što vajna pamiž Ukrainaj i Rasijaj była niepaźbiežnaj.

Jon zajaviŭ, što RF chacieła pačać poŭnamaštabnaje ŭvarvańnie jašče ŭ sakaviku 2021 hoda, ale hetyja płany byli vykrytyja.

Kamientary8

  • Pobiedobiesije
    20.05.2023
    U ukrainskoho naroda na hienietičieskom urovnie nienavisť k bolšievikam, kotoryje v 20ch-30ch hodach v Ukrainie sozdali iskusstviennyj hołodomor. Bolšieviki eto takije tvari, kotoryje cieniat tolko svoi žiźni, ostalnyje dla nich biomusor. S nimi razhovor dołžien byť korotkij....
  • Hosť
    20.05.2023
    Prŝie hovoria , oni pytaliś ispolzovať mietod Ordy , količiestvom i nachrapom , vrodie "psichičieskoj ataki, zabyv , čto na dvorie 21 viek , nie uvažaja svojeho protivnika i siłu voli jeho političieskoho rukovodstva.Nu i połučili to , čto zasłužili , chotia i -2nie v połnoj mierie , v značitielnoj mierie iz-za niedostatočnoj pomoŝi Zapada.
  • Hańba
    20.05.2023
    Darahaja redakcyja, ci nie čas pakončyć z "rasijanami"? Rasiejcy ci rasiejska-fašysckija zachopniki - bolš darečnyja vyrazy.

Ciapier čytajuć

Pad Minskam adbyŭsia mahutny vybuch na hazavym trubapravodzie7

Pad Minskam adbyŭsia mahutny vybuch na hazavym trubapravodzie

Usie naviny →
Usie naviny

Biełaruska aburyłasia koštam lisičak u 55 rubloŭ za kiłahram3

Siaredni zarobak «brudnymi» składaje 911 dalaraŭ4

Adnačasova dźvie avaryi pad Minskam, paciarpieli niekalki čałaviek. Ludzi kažuć pra začaravany ŭčastak trasy

«Pakul nie čuŭ, kab biełarusaŭ departavali». Amierykanski advakat pra mihracyjnuju palityku ZŠA pry Trampie2

Kupałaŭski teatr prapanoŭvaje novuju pasłuhu: ciapier tam možna pabracca šlubam13

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach10

U Amurskaj vobłaści Rasii raźbiŭsia samalot z 49 čałaviekami na borcie

Dva małyja braty atrymali mocnyja apioki pry raspalvańni łaźni

Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?2

bolš čytanych navin
bolš łajkanych navin

Pad Minskam adbyŭsia mahutny vybuch na hazavym trubapravodzie7

Pad Minskam adbyŭsia mahutny vybuch na hazavym trubapravodzie

Hałoŭnaje
Usie naviny →

Zaŭvaha:

 

 

 

 

Zakryć Paviedamić