Adharadzicca ad RF 100-kiłamietrovaj zonaj biaśpieki: hałoŭny raźviedčyk Ukrainy nazvaŭ adnu z met vajny
Kiraŭnik vajskovaj raźviedki (HUR) Ukrainy Kirył Budanaŭ zajaviŭ što adna z hałoŭnych umoŭ zakančeńnia vajny — stvareńnie demilitaryzavanaj zony pamiž Rasijaj i Ukrainaj šyrynioj nie mienš za 100 kiłamietraŭ. «Heta naša meta», — skazaŭ Budanaŭ u intervju ŭkrainskamu kanału «Isłandyja».
Jon patłumačyŭ, što ličyć takuju dystancyju aptymalnaj, bo ź jaje budzie niemahčyma nanosić efiektyŭnyja ŭdary pa Ukrainie zvyčajnymi srodkami.
Stvareńnie takoj zony Budanaŭ ličyć nieabchodnaj mieraj abarony, bo palityčnaja madel u Rasii, na jaho dumku, naŭrad ci źmienicca navat paśla Pucina: pryjdzie novy tyran z novymi ambicyjami.
U tym ža intervju kiraŭnik HUR skazaŭ, što na hetym etapie vajny možna z upeŭnienaściu kazać, što rasijskaja armija vydychnułasia.
Pavodle jaho słoŭ, kolkaść jaje asabovaha składu ŭsio jašče vialikaja i čałaviečych resursaŭ u Rasii chopić jašče na niavyznačany čas, ale jakaść rasijskaj armii vyčarpana — jak z punktu hledžańnia vajennaj padrychtoŭki, tak i ŭ płanie techniki i ŭzbrajeńniaŭ.
-
Tempy prasoŭvańnia rasijskaj armii va Ukrainie ŭpali da minimumu ź viasny minułaha hoda
-
Praciah trochbakovych pieramoŭ pa Ukrainie zapłanavany na nastupny tydzień
-
«Heta nie «nadzień švedar». Heta choład, ad jakoha nikudy nie schavacca». Jak ukraincy vyžyvajuć bieź śviatła i ciapła ŭ chałodnych kvaterach
Kamientary