Minabarony Rasii zajaviła, što «zabłakavała i razhramiła» dyviersantaŭ u Biełharodskaj vobłaści
«Padčas kontrterarystyčnaj apieracyi ŭdarami avijacyi, ahniom artyleryi i aktyŭnymi dziejańniami padraździaleńniaŭ prykryćcia Dziaržaŭnaj hranicy Zachodniaj vajskovaj akruhi nacyjanalistyčnyja farmavańni byli zabłakavanyja i razhromlenyja», — havorycca ŭ paviedamleńni viedamstva.
Śćviardžajecca, što pa terytoryi Ukrainy, kudy adkinuli dyviersantaŭ, praciahvałasia naniasieńnie ahniavoha paražeńnia «da poŭnaj likvidacyi».
Pavodle źviestak Minabarony, zabityja bolš za 70 «dyviersantaŭ». Akramia taho, źniščanyja čatyry bajavyja braniavanyja mašyny i piać pikapaŭ.
Tym časam žurnalisty rasijskaha miedyja RBK adnavili chod učorašnich padziej.
Krynicy RBK u rehijanalnym upraŭleńni MUS i ŭ terytaryjalnym adździele palicyi paviedamili, što ataka na Biełharodskuju vobłaść pačałasia ŭ 6:00 22 maja z masiravanaha abstrełu, u jakim udzielničała ŭ tym liku tankavaje padraździaleńnie.
Da 12:00 praŭkrainskija siły, u tym liku dziesiać adzinak braniatechniki, zajšli ŭ siało Kozinka.
Rasijskija siłaviki pačali reahavać tolki ŭ 13:30, kali na terytoryi prymiežnych rajonaŭ Biełharodskaj vobłaści byŭ uviedzieny sihnał «Hranica».
U Kramli zajavili, što praniknieńnie ŭkrainskaj DRH na terytoryju Biełharodskaj vobłaści vyklikaje hłybokuju zaniepakojenaść i patrabuje vialikich namahańniaŭ.
U vyniku ataki ŭ Biełharadskaj vobłaści paranienyja 12 čałaviek, žychary 9 nasielenych punktaŭ «adsielenyja» — hubiernatar
«Viartacca ŭ damy nie varta». U Biełharodskaj vobłaści praciahvajecca «kontrterarystyčnaja apieracyja»
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi4
Kamientary