111 dzion niama źviestak pra Mikołu Statkieviča. I siońnia roŭna try hady z momantu zatrymańnia
Amal čatyry miesiacy niama viestački ad asudžanaha na 14 hadoŭ palityka Mikoły Statkieviča. I, na žal, vypadak ź im nie ŭnikalny.
Suviaź z palitykam, jaki adbyvaje pakarańnie ŭ hłybockaj kałonii, pierarvałasia ŭ siaredzinie lutaha.
Statkievič paŭhoda byŭ u adzinočnaj kamiery, a potym, imavierna, u ŠIZA:
«Siońnia (dopis ad 15 maja. — «NN») atrymała adkaz z kałonii na svaje zapyty. … Toj, chto ničoha nie viedaje pra svaich rodnych, mianie zrazumieje. 36 spahnańniaŭ, ź ich 14 — ŠIZA (5 — za apošnija try miesiacy, termin nie paviedamlajuć). Ciapier, imavierna, u ŠIZA taksama albo tolki vyjšaŭ. Čarhovy raz pakarany znachodžańniem paŭhoda ŭ toj samaj adzinočcy 1ch3 m, anałahu PKT u «zvyčajnaj» kałonii. (Minułyja paŭhoda raściahnulisia na 9 miesiacaŭ). Heta značyć, što kali nie ŭ ŠIZA, to kruhłasutkava ŭ kamiennym miašku z prahułkaj u takim ža kamiennym miašku paŭhadziny na dzień. Pazbavili ŭsiaho: adzinaj pasyłki i spatkańniaŭ. Pra telefanavańni havorka navat nie idzie. Listoŭ pa-raniejšamu niama», — pisała ŭ siaredzinie maja jaho žonka Maryna Adamovič.
Siońnia, 31 maja, roŭna try hady, jak Mikoła Statkievič byŭ zatrymany. Jon jechaŭ na Kamaroŭku na pikiet Śviatłany Cichanoŭskaj.
Tady Statkievič i Sieviaryniec zaklikali ŭ sacyjalnych sietkach abaranić Siarhieja Cichanoŭskaha, zatrymanaha 29 maja, i budučyniu krainy i dałučacca da lehalnych pikietaŭ va ŭsich abłasnych centrach a 12-j hadzinie ŭ niadzielu. Paŭła zatrymajuć praz tydzień, 7 červienia 2020 hoda, za dva miesiacy da pratestaŭ.
U śniežni 2021 hoda Statkieviča asudzili na 14 hadoŭ kałonii asobaha režymu za arhanizacyju masavych biesparadkaŭ. Mirnyja pratesty pačalisia praz dva miesiacy, 9 žniŭnia 2020 hoda. 12 žniŭnia 2023 hoda palityku spoŭnicca 67 hadoŭ.
Na žal, situacyja sa Statkievičam nie ŭnikalnaja. Niama viestak ad lutaha ad Maksima Znaka, z 10 sakavika — ad Siarhieja Cichanoŭskaha, piać tydniaŭ niama listoŭ ad Valancina Stefanoviča, bolš za miesiac niama źviestak pra Viktara Babaryku dy inšych ludziej.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna15
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5555
Kamientary