Załužny: Usie b ździvilisia, kab ukraincy pajšli ŭ nastup z łukami i strełami, ale čamuści ŭsie ličać narmalnym, što ŭkraincy iduć u nastup biez sučasnych samalotaŭ
Hałoŭnakamandujučy Uzbrojenych sił Ukrainy Valeryj Załužny daŭ intervju Washington Post. Voś karotkija tezisy.
— Jaho razdražniaje, kali kažuć, što ŭkrainskaje nastupleńnie pavolna prasoŭvajecca. Heta nie šou, dzie možna rabić staŭki. Kožny mietr dajecca kryvioju.
— Jon uvieś čas na suviazi z hałoŭnakamandujučym armii ZŠA Markam Mili i ŭvieś čas prosić pavialičyć pastaŭki ŭzbrajeńnia i bojeprypasaŭ. Mili dobra ŭsio razumieje, ale pastaŭki nie zaležać tolki ad jaho adnaho.
— Ukraina atrymała tanki «Leapard» nie dla taho, kab tyja jeździli na paradach, a dla bajavoj pracy. Na poli boju luby «Leapard» — cel dla voraha.
— Vajskovaja daktryna NATA — heta dobra, ale kali ŭ ciabie jość pavietranaja pieravaha nad praciŭnikam. Krainy NATA majuć šmat samalotaŭ, i jany mohuć dazvolić sabie prytrymlivacca joj całkam.
— Źniščalniki, jakija stajać na hety momant na ŭzbrajeńni va Ukrainy, nie mohuć supraćstajać rasijskim. Ukrainie nie treba šmat samalotaŭ, ale Ukrainie patrebnyja samaloty novaha pakaleńnia. Usie b ździvilisia, kab ukraincy pajšli ŭ nastup z łukami i strełami, ale čamuści ŭsie ličać narmalnym, što ŭkraincy iduć u nastup biez sučasnych samalotaŭ.
— Miaciež PVK «Vahnier» pakul što nie asłabiŭ rasijskija linii abarony. Jaje pieradysłakacyja ŭ Biełaruś — heta taksama pahroza, ale pierad Ukrainaj ciapier stolki pahroz, što kali pieraličvać usie, to hałava pojdzie kruham.
— USU praciahnuć nastupać, što b tam ni było z Zaparožskaj AES abo pahrozami jadziernych udaraŭ. Ruskija ŭsio robiać z metaj zapałochvańnia, ale zdavacca pierad zapałochvańniem nichto nie źbirajecca.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary