Załužny — siaržantu-šturmaviku: Anu, adzieŭsia biahom! Zarobiš u mianie!
Staršy siaržant 47-j asobnaj miechanizavanaj bryhady Uzbrojenych sił Ukrainy «Mahura» Valeryj Markus raskazaŭ pra sutki šturmu, a hałoŭnakamandujučy USU Valeryj Załužny papraknuŭ jaho, što toj źniaŭ broniekamizelku. Na hety fakt źviarnuła ŭvahu «Ukrainskaja praŭda».
«U nas učora byli sutki šturmaŭ. My prasunulisia vielmi daloka, vielmi hłyboka. Pieššu, tamu vielmi stamilisia», — paviedamiŭ Markus u fejsbuku.
Jon adznačyŭ, što zdymaje videa z varožych akopaŭ, u jakich šmat trupaŭ zachopnikaŭ.
Usiu noč jon z pabracimami pravioŭ u «maleńkaj tranšejcy», kab nie stracić pazicyju i prasoŭvacca dalej. Abaroncy pavinny byli spać na trupach vorahaŭ.
«My zaraz z bajami budziem prasoŭvacca dalej, uhłyb. Vidavočna, što heta budzie nie chutka, bo abarona ŭ ich tut vielmi ščylnaja, vielmi jakasna vybudavanaja».
Pad hetym dopisam ź videa pakinuŭ kamientar hałoŭnakamandujučy USU Valeryj Załužny. Jon zahadaŭ Markusu nadzieć broniekamizelku, bo toj siadzieŭ u akopie bieź jaje: «Valeryj! Anu adzieŭsia biahom! Zarobiš u mianie».
Kamientar sabraŭ vialikuju kolkaść łajkaŭ.
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary