Miažu Ukrainy ź Biełaruśsiu ŭzmacnili asabovym składam i technikaj praz padziei vakoł Zaparožskaj AES — hienierał Najeŭ
U suviazi z padziejami vakoł Zaparožskaj atamnaj stancyi pryniata rašeńnie ab uzmacnieńni paŭnočnaj miažy Ukrainy jak asabovym składam, tak i bajavoj technikaj. Pra heta ŭ telehramie paviedamiŭ kamandujučy Abjadnanych sił USU hienierał-lejtenant Siarhiej Najeŭ, jak pieradaje «Ukrinfarm».
«U suviazi z apošnimi padziejami vakoł Zaparožskaj atamnaj stancyi było pryniata rašeńnie ab uzmacnieńni paŭnočnaj miažy našaj dziaržavy jak asabovym składam, tak i bajavoj technikaj», — paviedamiŭ Siarhiej Najeŭ.
Ukrainski hienierał padkreśliŭ, što praca ŭ hetym kirunku nie spyniałasia z taho času, jak byŭ vybity vorah z poŭnačy, i praciahvajecca 24 hadziny ŭ dzień. U pryvatnaści, pavodle jaho słoŭ, budujuć supraćtankavyja zaharody, uładkoŭvajuć minnyja pali i ŭmacoŭvajecca ŭsia linija abarony.
«Naša raźviedka pracuje dastatkova efiektyŭna. My dobra vyvučyli voraha i vyrazna vałodajem situacyjaj adnosna jaho płanaŭ. Našy voiny prajšli bajavoje zładžvańnie i hatovyja źniščyć luboha, chto pakvapicca na našu terytoryju», — dadaŭ Najeŭ.
Zaparožskaja AES znachodzicca pad kantrolem rasijan amal z samaha pačatku šyrokamaštabnaj ahresii Rasii va Ukrainie, z 4 sakavika 2022 hoda. Prablema z AES abvastryłasia ŭ suviazi z praviadzieńniem ukrainskim bokam maštabnaha kontrnastupleńnia hetym letam.
22 červienia 2023 hoda prezident Ukrainy Uładzimir Zialenski zajaviŭ pra płany Rasii zładzić terakt na Zaparožskaj AES. Sakratar Rady nacyjanalnaj biaśpieki i abarony Alaksiej Daniłaŭ u svaju čarhu zajaviŭ, što Ukraina rychtujecca da lubych scenaroŭ raźvićcia padziej vakoł Zaparožskaj AES.
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty8
Kamientary
Zamiest kab vydatkoŭvać kaštoŭnyja resursy i bojeprypasy, lepiej by rabili ŭmacavańni na ŭraźlivych učastkach sutyknieńnia