Ataka Rasii na Zaparožskuju AES zakranie ŭvieś śviet — top-čynoŭnik NATO
«Kali heta adbudziecca, to heta budzie značna bolšaja prablema, čym prosta vajskovaja prablema ci niešta tolki dla NATO», — kaža Rob Baŭer.
Kiraŭnik Vajskovaha kamiteta NATO Rob Baŭer zajaviŭ, što ŭ vypadku ataki Rasii na Zaparožskuju AES jaje nastupstvy paŭpłyvajuć na ŭvieś śviet. Pra heta jon skazaŭ u intervju radyjostancyi LBC.
Pavodle jaho słoŭ, heta toje, da čaho budzie pryciahnutaja ŭvaha ŭsiaho śvietu, bo takaja padzieja akaža vialiki ŭpłyŭ na Jeŭropu. «Kali heta adbudziecca, to heta budzie značna bolšaja prablema, čym prosta vajskovaja prablema ci niešta tolki dla NATO», — dadaŭ Baŭer.
Jon udakładniŭ, što pakolki heta budzie ekałahičnaja i miedycynskaja katastrofa, to jana vyjdzie za ramki NATO i pytańniaŭ biaśpieki.
U toj ža čas, jak pryznaŭsia kiraŭnik Vajskovaha kamiteta NATO, jon nie moža sabie ŭjavić, što šerah krain, jakija padtrymlivajuć RF, padtrymajuć hetyja dziejańni jaje ŭrada.
«I tamu možna było b dumać, možna było b spadziavacca, što ruskija hetaha nie zrobiać, tamu što ja miarkuju, što heta pazbavić ich značnaj častki padtrymki, jakuju jany majuć u śviecie, kali jany na heta pojduć», — pierakanany Baŭer.
Raniej prezident Ukrainy Uładzimir Zialenski zajaviŭ, što scenar miniravańnia Zaparožskaj AES dla rasijskich akupantaŭ zaćvierdžany.
U suviazi z pahrozaj katastrofy na Zaparožskaj AES ukrainski lidar taksama zaklikaŭ ES pracavać nad nastupnym pakietam sankcyj i ŭvieści abmiežavańni suprać rasijskaj kampanii «Rasatam».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?17
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary