Pinčuku dali dva hady «chimii» za kamientar pra Łukašenku pad dopisam pra zavyšanyja ceny na leki
U sudzie horada Pinska i Pinskaha rajona 19 červienia da dvuch hadoŭ «chimii» za kamientar pra Łukašenku pad dopisam u «Adnakłaśnikach» pra zavyšanyja ceny na leki asudzili cieślara-bietonščyka Rusłana Šukału. Sudździa Jaŭhienija Mielnik pryznała jaho vinavatym pavodle č. 1 art. 368 Kryminalnaha kodeksa (abraza Łukašenki).
Pavodle viersii abvinavačvańnia, Rusłan Šukała 19 krasavika 2022 hoda, «majučy namier i metu na prynižeńnie honaru i hodnaści ŭ nieprystojnaj formie Alaksandra Łukašenki», u «Adnakłaśnikach» paśla prahladu publikacyi ŭ vyhladzie malunka Łukašenki raźmiaściŭ niecenzurny kamientar u dačynieńni da jaho, jak piša «Viasna».
Mužčyna ŭ sudovym pasiadžeńni svaju vinu pryznaŭ całkam.
Na sudzie Rusłan Šukała raskazaŭ, što ŭ krasaviku 2022 hoda, prahladajučy stužku navin u sacyjalnaj sietcy «Adnakłaśniki», ubačyŭ publikacyju z vyjavaj Łukašenki, pad jakoj byŭ tekst pra zavyšanyja ceny na lekavyja preparaty — «paddaŭšysia emocyjam, jon pakinuŭ kamientar abraźlivaha charaktaru», pra što škaduje.
U vyniku sudździa Jaŭhienija Mielnik pryznačyła pinčuku dva hady chimii.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary