U Barysaŭskim rajonie ludzi vyratavali troch čyrvanaknižnych syčaniat
Žychary Barysaŭskaha rajona znajšli na darozie kala vioski Tarasaŭka troch maleńkich ptušaniat syča, jakija adnosiacca da vidu, zaniesienaha ŭ Čyrvonuju knihu. Supracoŭniki inśpiekcyi pryrodnych resursaŭ i achovy navakolnaha asiarodździa advieźli ich u centr dapamohi dzikim žyviołam «Siryn», paviedamlaje «Minskaja praŭda».
Siamja, jakaja znajšła syčoŭ, raskazała, što ptušaniaty byli biez mamy-savy, spałochanyja i asłablenyja. Spačatku ptušaniat pryvieźli ŭ Barysaŭski centr ekałohii i turyzmu. Jany akazalisia čyrvanaknižnym vidam damavoha syča.
Supracoŭniki centra źviazalisia z Barysaŭskaj rajinśpiekcyjaj pryrodnych resursaŭ i achovy navakolnaha asiarodździa, jakija pryniali rašeńnie pieradać ptušaniat u pryrodaachoŭnuju ŭstanovu. Ptušaniat tudy pieravozili śpiecyjalisty.
«Ptušaniaty zdarovyja, adčuvajuć siabie narmalna, — raskazała kiraŭnica centra dapamohi dzikim žyviołam «Siryn» Iryna Trajanoŭskaja. — Trochi ŭ nas pabuduć. Dahadujem, navučym palavać — budziem davać žyvy korm i sačyć za tym, łoviać sami ci nie. Kali ŭsio budzie dobra, padrychtujem da vypusku ŭ tym ža rajonie, adkul nam ich i pryvieźli».
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary