Łukašenka: Čas viartacca da praktyki, kali Biełaruś adkazvała za Kalininhrad, Picier, Maskoŭskuju vobłaść, častkova Maskvu
Łukašenka prapanavaŭ, kab Biełaruś znoŭ adkazvała za zabieśpiačeńnie tavarami rasijskich rehijonaŭ — musiła vyrablać i pastaŭlać toje, čaho brakavała ŭ asobnych haradach i rehijonach Rasii. Jon pieraličyŭ Kalininhrad, Pieciarburh, Maskoŭskuju vobłaść i častkova Maskvu.
Svaju prapanovu Łukašenka ahučyŭ 27 kastryčnika na sustrečy z hubiernataram Pieciarburha Alaksandram Biehłavym, ale adrasavaŭ jak prysutnamu na sustrečy rasijskamu pasłu Barysu Hryzłovu.
«Para viartacca da savieckaj praktyki, kali Biełaruś adkazvała za Kalininhrad, Picier, Maskoŭskuju vobłaść, častkova Maskvu», — skazaŭ jon.
Adnosna rasijskaj stalicy Łukašenka zrabiŭ ahavorku: «Jana vielizarnaja, asabliva ciapier, — dumaju, što my naŭrad ci spravimsia z takim hihanckim abjomam».
Pry hetym supracoŭničać jon prapanuje najpierš ź pieraličanymi rehijonami. Što maje na ŭvazie pad adkaznaściu Biełarusi, Łukašenka patłumačyŭ tak:
«Adkaznaść była ŭ tym, što ŭsio, čaho nie było ŭ Leninhradzie i vobłaści, asabliva ŭ Kalininhradzie, my abaviazanyja byli vyrabić i pastavić».
Łukašenka zapeŭniŭ, što vykanaje ŭsie damoŭlenaści.
«Našy mahčymaści vy cudoŭna viedajecie. Budźcie ŭpeŭnienyja: usio, što my paabiacali, my zrobim. I ŭ śfiery mašynabudavańnia, i ramontu liftaŭ, charčavańnia. Usio, što patrebna Leninhradu i što my možam, my musim heta zrabić», — skazaŭ jon.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary