U miastečku Biełavieža na Hajnaŭščynie, što pry samaj miažy ź Biełaruśsiu, prajšło tradycyjnaje śviatkavańnie staražytnaha śviata Kupalle. Paśla hadavoha pierapynku, vyklikanaha emihranckim kryzisam na polska-biełaruskaj miažy, biełaruskaje śviatkavańnie Kupalla viarnułasia ŭ Biełaviežu i znoŭku paradavała miascovych žycharoŭ dy šmatlikich haściej śviata, paviedamlaje radyjo «Racyja».
«My vielmi radyja, što viarnulisia ŭ Biełaviežu paśla hadavoha pierapynku. Abjektyŭnyja abstaviny, jakija ad nas nie zaležać, nie dazvolili nam u minułym hodzie arhanizavać naša biełaruskaje Kupalle mienavita tut, u Biełaviežy, dzie sioleta ŭžo 39-y raz arhanizoŭvajem sustreču z takim vyklučna biełaruskim abradam, jak noč Ivana Kupały», — skazaŭ staršynia Biełaruskaha hramadska-kulturnaha tavarystva Vasil Siehień.
Śviatkavańnie Kupalla ŭ Biełaviežy tradycyjna pačałosia šeściem udzielnikaŭ śviata z pachodniami pad huki «Kupalinki» vulicami miastečka, pradoŭžyłasia vialikim kancertam u amfiteatry na bierazie raki Naraŭki i puskańniem apoŭnačy pa joj kupalskich viankoŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary