U KDB pačali vyklikać ludziej, jakija niadaŭna prachodzili polska-biełaruskuju miažu — krynicy
Adnak tym, kaho vyklikajuć, zadajuć pytańni nie pra palityku.
Pra heta nam paviedamili čytačy. Niekatorych ich znajomych vyklikali ŭ KDB amal adrazu paśla pierasiakańnia biełaruska-polskaj miažy. Pry hetym pry pierasiakańni miažy nijakich pytańniaŭ nie było, bo hetyja ludzi nie byli raniej zatrymanyja pa palityčnych artykułach.
Padčas dopytu ŭ tych, kaho vyklikali, zusim nie pytalisia pra palityku. Kadebešniki spačatku raspytvali pra ceny na žytło i ježu ŭ Polščy, pracu i inšyja zaniatki ŭ Polščy. A paśla pierachodzili da pytańniaŭ pra toje, jak prachodziŭ pierachod miažy z polskaha boku: što tam bačyli, ci byŭ niejki admysłovy nadhlad i ci nie zadavali pamiežniki niejkich dadatkovych pytańniaŭ.
Tym, kaho vyklikali na hutarki, śpiecsłužbisty tłumačyli, što jany vyrašyli apytać ludziej u suviazi z apošnimi čutkami pra ŭzmacnieńnie kantrolu dy padrychtoŭku da zakryćcia polska-biełaruskaj miažy. Maŭlaŭ, jany sprabujuć zrazumieć, ci pačalisia niejkija zachady z boku polskich pamiežnikaŭ.
U kancy jany prapanavali ludziam źviazvacca z KDB u vypadku «niejkich admietnych vypadkaŭ» na miažy. Heta moža aznačać jak viadzieńnie kontrraźviedvalnaj dziejnaści, tak i pošuk abjektaŭ dla viarboŭki.
Praz pastajannyja sproby niezakonnaha pierasiakańnia polska-biełaruskaj miažy i najaŭnaść u Biełarusi niekalkich tysiač najmitaŭ PVK «Vahnier» Polšča pačała istotna pavialičvać kolkaść svaich vajskoŭcaŭ pobač ź Biełaruśsiu i navat prapracoŭvaje płan poŭnaha zakryćcia miažy.
Polšča stvoryć vajskovuju čaść, jakaja budzie dysłakavacca ŭ Čornaj Biełastockaj, za 35 kiłamietraŭ ad biełaruskaj miažy.
U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.
«Naša Niva» — bastyjon biełaruščyny
PADTRYMAĆŠto novaha praviarajuć u telefonach na miažy pry viartańni ŭ Biełaruś
«Połk Kalinoŭskaha pryjdzie vyzvalać Biełaruś — ty budzieš rady»? Što pytajucca i što hladziać u telefonie — raskazvaje čałaviek, jaki niadaŭna prachodziŭ miažu
Žančyna, jakaja admoviłasia davać intervju Azaronku paśla zatrymańnia pa viartańni z Polščy, ciapier za kratami
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ86
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary