Minabarony Polščy nakiruje na ŭzmacnieńnie miežaŭ 10 tysiač vajskoŭcaŭ. Pra heta ŭ efiry Polskaha radyjo zajaviŭ kiraŭnik viedamstva Maryjuš Błaščak. Pavodle jaho słoŭ, 4 tysiačy vajskoŭcaŭ buduć niepasredna padtrymlivać pamiežnuju achovu, jašče 6 tysiač buduć znachodzicca ŭ reziervie, piša Reform.by.
«Musim być hatovyja da roznych scenaroŭ. Nie vyklučajem nivodnaha ź ich. Dla hetaha navažylisia pierakinuć vojski bližej da biełaruskaj miažy, kab uzmacnić miažu, adpudzić ahresara, kab ahresar nie advažyŭsia atakavać Polšču», — skazaŭ jon.
«Hetaja prysutnaść budzie ŭ kolkaści bolš-mienš takoj ža, jak była, kali dachodziła da ataki [mihrantaŭ] u 2021 hodzie. Heta budzie kala 10 tysiač sałdat. 4 tysiačy žaŭnieraŭ — heta buduć žaŭniery, jakija buduć niepasredna ŭdzielničać u apieracyi, što tyčycca padtrymki pamiežnaj achovy na miažy. I 6 tysiač budzie ŭ tyle. Heta buduć sałdaty, jakija buduć udaskanalvać svaje navyki ŭ harnizonach, adkrytych na ŭschodzie našaj krainy», — dadaŭ ministr.
Na hetym tydni pamiežnaja achova Polščy zaprasiła ŭ Minabarony dadatkovuju tysiaču vajskoŭcaŭ dla ŭzmacnieńnia miažy. U adkaz Ministerstva vyrašyła nakiravać 2 tysiačy.
Raniej paviedamlałasia, što polski kantynhient na miažy ź Biełaruśsiu składaje kala 7,5 tysiač słužačych, u tym liku kala 5 tysiač pamiežnikaŭ, 2 tysiačy vajskoŭcaŭ i paŭtysiačy palicejskaha śpiecnaza.
«Kitaj pavinien pasłać Łukašenku adpaviedny sihnał». U Polščy dapuskajuć zakryćcio čyhunačnych pierachodaŭ ź Biełaruśsiu
Litva zakryje dva pierachody na miažy ź Biełaruśsiu na nastupnym tydni
Litva pierakinie na miažu ź Biełaruśsiu dadatkovuju kolkaść vajskoŭcaŭ
Łatvija ŭvodzić na biełaruskaj miažy ŭzmocnieny režym
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty6
Kamientary