Śviet11

Asabistyja rečy rasijan trapili pad sankcyi ES. Ci nasamreč na miažy ŭ ich buduć kanfiskoŭvać mašyny i adzieńnie? Tłumačyć Jeŭrakamisija

U historyi z kanfiskacyjaj asabistych rečaŭ rasijan u Jeŭropie novy pavarot. U minułuju piatnicu Jeŭrakamisija vypuściła tłumačeńnie ab tym, što mašyny z rasijskimi numarami traplajuć pad sankcyi suprać Rasii za ŭvarvańnie va Ukrainu, bo ŭklučanyja ŭ śpis tavaraŭ, impart jakich zabaronieny.

Rasijska-litoŭskaja miaža. Fota: Sean Gallup / Getty Images

Usie nieadkładna pračytali hety doŭhi śpis (Annex XXI) i znajšli ŭ im mabilnyja telefony, kaśmietyku, fotaaparaty, čamadany, adzieńnie, navat jachty, meblu i zbornyja damy pad kluč. Uźnikła pytańnie: usio heta buduć zaraz kanfiskoŭvać u rasijan, jakija vyjazdžajuć u Jeŭrasajuz ci žyvuć tam?

Nie zusim tak, patłumačyli pradstaŭniki Jeŭrakamisii na štodzionnym bryfinhu ŭ paniadziełak. Sutnaść ich kamientaroŭ zvodziłasia da nastupnaha.

Sankcyi byli ŭzhodnienyja i zaćvierdžanyja kiraŭnikami krain ES, demakratyčna abranymi ŭ kožnaj z 27 krain Jeŭrasajuza z nasielnictvam 450 młn čałaviek. Jeŭrakamisija ž — prosta biurakraty ŭ Brusieli. Jana kaardynuje ažyćciaŭleńnie rašeńniaŭ i tolki zredku daje rekamiendacyi z adnoj metaj — kab nie było roznahałośsia ŭ interpretacyjach sankcyjnaha režymu.

Adnak pravaprymianieńnie — sprava kožnaj asobnaj krainy. Mytnia Finlandyi, Łatvii ci Estonii nie padparadkoŭvajecca Jeŭrakamisii, ale kali va ŭładaŭ hetych krain jość pytańni, jany mohuć ich zadać Brusielu.

Što i zdaryłasia hetym razam: kamisija vypuściła tłumačeńnie paśla taho, jak niemcy pačali aryštoŭvać mašyny z rasijskimi numarami, a inšyja krainy zadumalisia, ci praŭda heta miełasia na ŭvazie, kali ŭvodzilisia sankcyi suprać Kramla.

«Heta adzin z tych vypadkaŭ, kali my prosta rastłumačyli situacyju. Ułasna kažučy, sankcyi nie źmianilisia — jak była zabarona na impart, tak i zastałasia. Pieralik nie źmianiŭsia, u im prysutničajuć aŭtamabili», — skazaŭ pradstaŭnik Jeŭrakamisii na bryfinhu.

Jon dadaŭ, što sankcyi pavinny prymianiacca stroha, ale ŭdakładniŭ, što heta tolki «rekamiendacyja» Jeŭrakamisii.

U tłumačeńniach z taho, što patencyjna moža zakranuć ludziej, a nie biznes, byli zhadanyja tolki ikra (uvozić nielha), mašyny i juvielirnyja ŭpryhožańni. Pra załatyja piarścionki i zavušnicy było skazana, što sankcyi nie raspaŭsiudžvajucca na ŭsio, što ŭvozicca dla asabistaha karystańnia, a nie dla prodažu.

Tak jak u sankcyjnym śpisie značna bolš tavaraŭ, čym było zhadana ŭ tłumačeńni, žurnalisty zasypali pradstaŭnika Jeŭrakamisii pytańniami, ci buduć rasijan «raskułačvać» na miažy.

Jon adkazaŭ, što rašeńnie za ŭładami krain — členaŭ ES, ale vykazaŭ mierkavańnie, što zdarovy sens voźmie vierch.

«Meta sankcyj nie źmianiłasia — pazbavić Kreml srodkaŭ na vajnu. Adzieńnie na čałavieku naŭrad ci budzie ličycca sprobaj abyści sankcyi. Heta prosta razumny sens, — skazaŭ jon. — A voś darahi aŭtamabil — užo inšaja sprava».

Kamientary1

  • Cikava
    12.09.2023
    A padzielnikam pucina z RB u vajnie heta budzie adnosicca?

Ciapier čytajuć

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili

Usie naviny →
Usie naviny

«Ekstremisckim farmavańniem» pryznali BSDP «Hramada»1

Što pravakuje rak i čamu ankałohija maładzieje1

Kitaj źnizić na 24 pracentnyja punkty pošliny na tavary z ZŠA na 90 dzion

Rybak patanuŭ u aŭtamabili ŭ Mazyrskim rajonie, druhi paśpieŭ vybracca1

Pasažyry buduć viedać košt pajezdki ŭ taksi da jaje pačatku?2

U Biełarusi druhi miesiac zapar padajuć prodažy novych aŭto. Čamu tak adbyvajecca2

Alaksandr Knyrovič vyłučajecca ŭ śpikiery Kaardynacyjnaj rady10

Zialenski 15 maja prylacić u Stambuł, navat kali Rasija admovicca ad spynieńnia ahniu1

Pahladzieli, kolki prosiać za arendu lecišča niedaloka ad Minska. Jość varyjanty ad 250 rubloŭ za miesiac6

bolš čytanych navin
bolš łajkanych navin

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30

Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili

Hałoŭnaje
Usie naviny →

Zaŭvaha:

 

 

 

 

Zakryć Paviedamić