U Biarozaŭskim rajonie piensijanierka atruciłasia apieńkami. Jak tak stałasia?
Z vostrym atručeńniem žančynu zabrali ŭ balnicu.
Zdareńnie adbyłosia ŭ vioscy Pieski ŭ subotu. Miedyki pryjechali pa nazvanym adrasie. U 75-hadovaj žycharki ahraharadka śpiecyjalisty dyjahnastavali vostraje atručeńnie hrybami. Stała viadoma, što paciarpiełaja jeła apieńki, piša Bar24.by.
Piensijanierku špitalizavali ŭ infiekcyjnaje adździaleńnie Biełaaziorskaj haradskoj balnicy.
Kali apieńki mohuć być niebiaśpiečnyja?
Apieńki nie adnosiacca da atrutnych hryboŭ, takich, jak biełaja pahanka abo muchamor. Ale nie kožny viedaje, što spažyvańnie zvykłych jadomych hryboŭ moža naškodzić zdaroŭju, adznačajuć śpiecyjalisty.
Akazvajecca, apieńki mohuć być niebiaśpiečnyja, kali raśli ŭ rajonach z kiepskaj ekałohijaj: kala zavodaŭ, łabaratoryj, la aŭtamabilnych daroh abo čyhunki. U hetym vypadku hryby nazapašvajuć ciažkija mietały: rtuć, miedź, śviniec, cynk i inšyja. Viadoma, što apieńki vałodajuć zdolnaściu nazapašvać bolš cynku i kobaltu ŭ paraŭnańni ź inšymi jadomymi hrybami.
U hetym siezonie było niekalki vypadkaŭ atručvańnia hrybami. Tak, muchamorami atruciŭsia žychar Baranavickaha rajona. U Hrodzienskaj vobłaści hrybami atruciłasia piensijanierka. A ŭ Homielskaj vobłaści ad atručeńnia hrybami pamierła žančyna. Jana jeła syraježki, siarod jakich byli pahanki.
Što treba viedać pra hryby i ich ułaścivaści pierad tym, jak iści z košykam u les
«Nasmažyć z bulbačkaj — i možna ŭ dobraj kampanii da ranicy siadzieć». Što ciapier z vybaram hryboŭ na minskaj Kamaroŭcy?
Fatalny abied. Zahadkavaja śmierć siamji ŭskałychnuła cełuju krainu
Što rabić pry atručvańni hrybami
Ciapier čytajuć
«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach10
Kamientary