Mierkavańni22

«Muzyčnaje ahienctva, kinacentr, chaby». Budkin apisaŭ, što treba dla raźvićcia kultury

Kiraŭnik Biełaruskaj rady kultury Siarhiej Budkin vykłaŭ u fejsbuku svaje dumki z nahody Kanhresa biełaruskaj kultury ŭ emihracyi, jaki prajšoŭ u Varšavie ŭ minułyja vychadnyja. Aprača inšaha, kulturny mieniedžar akreśliŭ, čaho, na jahonuju dumku, biełaruskaj kultury siońnia nie chapaje i što joj na siońnia patrebna.

Najpierš — dobra, što takaja padzieja adbyłasia. Mahu ŭjavić, nakolki arhanizacyjna heta było niaprosta i vinšuju ŭsich datyčnych z tym, što zadumu atrymałasia ŭvasobić.

Heta była dvuchdzionnaja razmova pra pošuk siabie ŭ novych abstavinach. Pra rospač, bol, rasčaravańnie, kryŭdu. Pra toje, jak zastacca ŭ prafiesii i jak u pryncypie vyžyć — i na čysta pobytavym uzroŭni, i na ŭzroŭni zachavańnia jak nacyi.

Sapraŭdy, heta niejmavierny vyklik dla ŭsich nas. I, kažučy tut «nas», biezumoŭna maju na ŭvazie i tych biełaruskich tvorcaŭ, jakija vymušana źjechali i znachodziać siabie nanoŭ, i tych, chto žyvie i stvaraje va ŭmovach tatalnaj cenzury i pieraśledu ŭ padpolli, časta pa-za zonaj bačnaści.

Dyk voś dla ŭsich nas — heta ahulnaje pole dla dziejańniaŭ. Ahulnaja biełaruskaja kulturnaja prastora, u jakoj nieabchodna adbudoŭvać sistemu suviaziaŭ i infrastrukturu.

Niadaŭna Biełaruskaja rada kultury inicyjavała daśledavańnie hetaj prastory (rychtujecca da publikacyi), jakoje vyjaviła, što na siońnia pracuje kala 200 biełaruskich niezaležnych arhanizacyj i inicyjatyŭ u śfiery kultury.

Na pytańnie, čaho siońnia nie chapaje ŭ toj ci inšaj śfiery kultury, ich pradstaŭniki tak ci inakš kazali pra infrastrukturnyja patreby: sietku kniharaspaŭsiudu, zasnavańnie muzyčnaha ahienctva, mieniedžarskaha i pradziusarskaha kinacentra, kamunikacyjnych placovak, sietki ambasadaŭ kultury, chabaŭ, fizičnych placovak dla repietycyj i teatralnych pakazaŭ, adukacyjnaha centra dla art-mieniedžaraŭ, ustanovy pa pracy z nacyjanalnaj pamiaćciu, centra dyzajnu, asacyjacyi fatohrafaŭ i h. d.

Dla taho, kab heta infrastruktura źjaŭlałasia i efiektyŭna pracavała, treba navučycca ŭzajemadziejničać. Z hetym u našym poli nazirajucca peŭnyja prablemy, bo nie chapaje resursaŭ, času, viedaŭ na adładžvańnie kamunikacyi, jość pytańni biaśpieki i ŭ cełym niedavieru adno da adnaho, a časam banalna pieraškadžajuć emocyi i niaŭmieńnie ŭzvysicca pa-nad drobnymi sprečkami dziela bolš važnych spraŭ.

Taja panel, na jakuju mianie zaprasili, akurat i była pryśviečana pytańniam uzajemadziejańnia. I ŭ pryncypie ŭsio, što paśpieli napracavać tam za karotki čas try hrupy, było suhučna miž saboju.

Nam patrebnaja placoŭka, jakaja b adkazvała za adładžvańnie kamunikacyi miž arhanizacyjami i art-aktyvistami, spryjała b u pracy nad padrychtoŭkaj stratehična važnych dla śfiery dakumientaŭ, a ŭ budučyni niepasrednym čynam upłyvała na dziaržaŭnuju palityku ŭ śfiery kultury.

Kali raźvić dumku dalej, to heta taki

kulturnicki protaparłamient, jaki b uvabraŭ najbolš aktyŭnych i kanstruktyŭnych pradstaŭnikoŭ pola kultury, tych, chto nie baicca ŭziać na siabie adkaznaść i hatovy pracavać na karyść usioj śfiery.

Nieadnarazova abmiarkoŭvaŭ ideju «kulturnickaha Sojma» z kalehami z roznych arhanizacyj, i paznaču tut uzajemnuju zhodu i razumieńnie, što heta nie moža być placoŭkaj pry niejkaj kankretnaj arhanizacyi. Nie staić zadačy ściahnuć usie resursy na kahości adnaho, bo heta niedalnabačna i čysta fizična niemahčyma.

Razmova — pra raspracoŭku miechanizmaŭ sumiesnaha ŭdziełu ŭsich subjektaŭ kulturnickaj palityki, jak u Biełarusi, tak i za miažoj. I pracy hetaj na ŭsich chopić.

Mocna dapamoža, kali napišacie, čym kankretna vy hatovy być karysnymi ŭ adładžvańni pracesaŭ u biełaruskim kulturnickim poli — u płanie ekśpiertyzy, naprykład, ci arhanizacyjna. Albo prosta maralna, što taksama nadzvyčaj važna.

Kamientary2

  • Saturn
    20.09.2023
    Słušajtie, a počiemu etoj płoŝadkoj nie možiet byť užie suŝiestvujuŝaja Biełaruskaja Rada Kultury? Začiem jeŝie płodiť odnu orhanizaciju, dažie jeśli eto "protoparłamient"?
  • Mch
    20.09.2023
    Kłasičnaja ŭžo pamyłka 1918 hoda. Zamiest taho, kab stvarać orhany ŭłady u vyhnańni, znoŭ stvarajucca "teatry", "placoŭki", "kulturnyja supołłki".

Ciapier čytajuć

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach4

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach

Usie naviny →
Usie naviny

Ziankovič raskazaŭ, jak u SIZA pakłaŭ pad viadro hazietu z partretam Łukašenki i pisaŭ tłumačalnuju2

Ksiandza Hienrycha Akałatoviča viarnuli ŭ kałoniju

Hetaj minčancy 17 hadoŭ, a jana ŭvachodzić u top-10 najlepšych chendleraŭ Jeŭropy3

Kožnyja dva mietry — pierachod. Siurpryz dla viełasipiedystaŭ u Minsku1

Syrski paprasiŭ Trampa dapamahčy Ukrainie pieranieści vajnu na terytoryju Rasii7

Va ŭkrainski pałon trapiŭ 58-hadovy biełarus, što vajavaŭ na baku Rasii8

A ciapier tak možna? Jak historyk trapiŭ u Wargaming, zamacavaŭsia ŭ IT i ŭžo nie baicca ni kryzisaŭ, ni ŠI2

«Jak dabivacca praŭdy?» Paśla śmierci školnicy ŭ balnicy Jelska baćkam nie dajuć nijakaj infarmacyi pra rasśledavańnie11

Klaščy pakusali 2000 biełarusaŭ u adnoj tolki vobłaści5

bolš čytanych navin
bolš łajkanych navin

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach4

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach

Hałoŭnaje
Usie naviny →

Zaŭvaha:

 

 

 

 

Zakryć Paviedamić