Byłomu kiraŭniku navapołackich siłavikoŭ dali štraf za niećviarozaje kiravańnie
Byłoha kiraŭnika Navapołackaha HAUS Uładzimira Dubroŭskaha aštrafavali na 7400 rubloŭ za toje, što jechaŭ za rulom niećviarozy. Taksama jaho pazbavili na 5 hadoŭ prava kiravać transpartnymi srodkami.
7 žniŭnia Uładzimira Dubroŭskaha zatrymali na 54-m kiłamietry aŭtadarohi R-46 u Połackim rajonie ŭ stanie ałkaholnaha apjanieńnia. Mužčyna admoviŭsia prachodzić ahlad i byŭ aštrafavany namieśnikam načalnika ADAI na 7400 rubloŭ.
Try tydni tamu były vysokapastaŭleny siłavik pasprabavaŭ abskardzić rašeńnie DAI, nastojvajučy na tym, što ŭ aŭtamabili jon byŭ pasažyram, a nie kiroŭcam. Aburaŭ jaho taksama fakt «niezakonnaha» zatrymańnia. Sudździu, adnak, hetyja arhumienty nie pierakanali i raniejšaja pastanova zastałasia ŭ sile.
10 žniŭnia Dubroŭskaha jašče sudzili pa art. 24.3 — niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni im słužbovych paŭnamoctvaŭ. Pa hetaj spravie rašeńnie jašče nie apublikavana.
Byłoha načalnika navapołackaj milicyi sudzili za niepadparadkavańnie jaho kolišnim kaleham. Ale pakarać jaho ciažka, bo jon deputat
Aršanskuju piensijanierku ź invalidnaściu asudzili da kałonii za kamientar u «Adnakłaśnikach»
Vyjšaŭ na volu Andrej Andrejeŭ. Jaho asudzili pa spravie napałochanaha sałdata
Kamientary
a tak okazyvajetsia modno..oj..možno ?