Vyjšaŭ na volu Andrej Andrejeŭ. Jaho asudzili pa spravie napałochanaha sałdata
Andrej Andrejeŭ — uradženiec Homiela, ale byŭ zatrymany 2 sakavika 2022 hoda ŭ Minsku.
26 vieraśnia, całkam adbyŭšy pakarańnie, na volu vyjšaŭ palitźniavoleny Andrej Andrejeŭ. Jon uradženiec Homiela, ale zatrymany byŭ 2 sakavika 2022 u Minsku, dzie pracavaŭ inžynieram u «Biełdziaržprajekcie», piša «Homielskaja viasna».
Andreja Andrejeva i Alaksandra Komara pryznali vinavatymi ŭ ździajśnieńni «złačynstva» pa artykule 364 KK «hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ» i 29 žniŭnia 2022 hoda asudzili na dva hady kałonii va ŭmovach uzmocnienaha režymu.
Usio ich «złačynstva» palahała ŭ tym, što padčas antyvajennaha mitynhu, jaki prachodziŭ 27 lutaha 2022 h. ŭ Minsku, maładyja ludzi išli pa chodnikach nasustrač całkam ekipiravanamu sałdatu Michaiłu Krutu, a toj čamuści pačaŭ adstupać.
Na videa, jakoje zafiksavała hety vypadak, bačna, što maładyja ludzi išli na vialikaj adlehłaści ad sałdata, ničoha nie pradprymali: nie abražali, ahresiŭna nie pavodzilisia. Heta nie zaškodziła sudździ Minskaha haradskoha suda Dzinie Kučuk pryznać ich vinavatymi i adpravić u kałoniju.
Palitviazień adbyvaŭ pakarańnie ŭ mahiloŭskaj kałonii.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary