Žančyna ledź nie straciła ŭsie hrošy, ale pilnaja supracoŭnica banka spyniła machlarskuju schiemu.
U Kastryčnickaje RUUS Hrodna źviarnułasia žančyna, jakaja raspaviała, što dniami joj patelefanavali supracoŭniki banka. Jany pacikavilisia, jakaja suma hrošaj znachodzicca ŭ jaje na rukach.
Paśla adkazu «1000 rubloŭ» «supracoŭniki banka» stali pierakonvać žančynu, što jana parušaje zakon. Nibyta na rukach možna trymać nie bolš za 500 rubloŭ, paviedamlaje pres-słužba MUS.
Žančyna adpraviłasia ŭ bank, kab pieravieści hrošy na paznačany rachunak. Adnak realnaja supracoŭnica banka pierakanała, što žančynie telefanavali ašukancy i nijakija hrošy pieravodzić nie treba.
Milicyja prosić ludziej być pilnymi, zaznačaje, što złamyśniki nie stajać na miescy, a kožny dzień prydumlajuć usio novyja sposaby padmanu.
Taksama ŭ milicyi nahadvajuć, što realnyja supracoŭniki banka nikoli nie buduć daznavacca infarmacyju ab płaciežnych kartach, a tym bolš patrabavać pieravieści hrošy na jakija-niebudź rachunki.
Kamientary