Telefonnyja machlary raźviali žančynu z Baranavičaŭ na hrošy, a taksama zahadali spalić u duchoŭcy noŭtbuk — «pakarali za palityčnyja pohlady»
53-hadovaj žančynie z Baranavickaha rajona patelefanavali ŭ miesiendžary i paviedamili, što chtości aformiŭ nibyta na jaje imia try kredyty. Dla skasavańnia tranzakcyj pa ŭkazańni machlaroŭ jana aformiła ŭ banku kredyt na 11,5 tysiač rubloŭ i pieraviała hrošy na padkantrolny im rachunak, piša Śledčy kamitet.
Zatym afierysty pierakanali žančynu ŭstalavać u mabilnym telefonie prahramu dla dystancyjnaha dostupu da pryłady, paśla čaho samastojna aformili kredyt na 12 tysiač rubloŭ, jakija žančyna znoŭ pieraviała na rachunak machlaroŭ.
Hetaha złamyśnikam zdałosia mała, piša SK, i jany pacikavilisia ŭ paciarpiełaj pra jaje palityčnyja pohlady. Pačuŭšy, što mierkavańnie žančyny pa mnohich pytańniach razychodzicca ź ich pazicyjaj, vyrašyli joj adpomścić, davodzić SK.
Ašukancy paviedamili, što ŭciečka asabistaj infarmacyi adbyłasia praź jaje noŭtbuk. U suviazi z čym skazali žančynie spalić noŭtbuk u duchoŭcy. Na patrabavańnie złačyncaŭ žančyna tranślavała toje, što adbyvałasia, pry dapamozie videasuviazi.
Kali žančyna spaliła svoj noŭtbuk, u vyniku čaho duchoŭka złamałasia, kibierzłačyncy paviedamili, što heta budzie joj urokam za niapravilnyja palityčnyja pohlady, paśla čaho zaviaršyli razmovu, piša pres-słužba SK.
Zaviedziena kryminalnaja sprava pa č. 3 art.209 (machlarstva, ździejśnienaje ŭ bujnym pamiery). Pravodziacca śledčyja dziejańni i apieratyŭna-vyšukovyja mierapryjemstvy.
SK zaznačaje, što vykanańnie prostych praviłaŭ dapamoža minimizavać niehatyŭnyja nastupstvy sustrečy ź virtualnym ašukancam.
Samaje efiektyŭnaje rašeńnie — nie prymać zvankoŭ ź nieznajomych numaroŭ. Kali zvanok ź nieviadomaha numara važny abo terminovy, čałaviek abaviazkova pakinie hałasavoje abo tekstavaje paviedamleńnie, kab vy pieratelefanavali.
Nikoli nie varta pieradavać pa telefonie infarmacyju, jakaja adnosicca da piersanalnych źviestak, takuju jak pašpartnyja danyja, numary bankaŭskich kart, paroli i kody dostupu.
Nijakaja lehitymnaja arhanizacyja nie budzie prasić vas dać takuju infarmacyju pa telefonie. Kali vam zdajecca, što vas sprabujuć padmanuć, davierciesia intuicyi i nie saromiejciesia zaviaršyć razmovu abo admovicca ad pradastaŭleńnia asabistaj infarmacyi. Važna pamiatać, što vy majecie prava na svaju kanfidencyjnaść i biaśpieku, a ad lubych prapanoŭ pa telefonie varta admaŭlacca.
Ciapier čytajuć
Ad BNF da HRU. Chto takaja Natalla Sudlankova, jakoj čechi zahadali pakinuć krainu16
Kamientary
No pozvonili mnie vsieho odin raz dva hoda nazad.
Jestiestvienno, biezriezultatno )
Čto ja diełaju nie tak?....