Śviatłana Cichanoŭskaja — Marynie Zołatavaj: Ty pieramožaš i ŭ hetym marafonie!
Z 6 vieraśnia pa 6 listapada «Reparciory bieź miežaŭ» ładziać kampaniju «Paštoŭki dla Maryny», prymierkavanuju da dnia naradžeńnia hałoŭnaj redaktarki partała Tut.by Maryny Zołatavaj, asudžanaj sioleta ŭ sakaviku na 12 hadoŭ kałonii.
Prajekt nakiravany na padtrymku Maryny i ŭsich palitviaźniaŭ-žurnalistaŭ. Śviatłana Cichanoŭskaja ŭziała ŭdzieł u hetaj akcyi i zapisała videa dla Maryny:
«Ty vykonvała vysokija standarty žurnalistyki i była prykładam dla kaleh. Jak by ciažka ni było, ty znachodziła vyjście ź luboj situacyi. Siońnia kožny tvoj dzień — heta marafon. Marafon baraćby za žyćcio, za zdaroŭje, za ŭłasnuju hodnaść. Ale ja nie sumniavajusia, što ty zmožaš vytrymać hetaje vyprabavańnie».
Možna dałučycca da akcyi i padtrymać Marynu Zołatavu i ŭsich palitviaźniaŭ-žurnalistaŭ, a takich 34 čałavieki.
Dla hetaha treba napisać słovy padtrymki na elektronny adras [email protected].
6 listapada, u dzień naradžeńnia Maryny, «Reparciory bieź miežaŭ» pieradaduć hetyja pasłańni ŭ ambasady Biełarusi ŭ niekalkich krainach.
Marynu Zołatavu pieraviali ŭ homielskuju kałoniju
«Jaje cikaviać litaralna ŭsie padrabiaznaści». Jakija naviny dachodziać ad Maryny Zołatavaj
«Nie za harami toj čas, kali biełarusy zmohuć žyć ščaśliva». Maryna Zołatava napisała list z turmy
Dačka Maryny Zołatavaj pra prysud: Chtości za nadumanuju spravu atrymaje zoračku na pahony. A maja matula niazłomnaja
Kamientary