U papraŭčych ustanovach Biełarusi nie chapaje miescaŭ dla zachoŭvańnia režymnych pieradač, dazvolenaja vaha jakich składaje da 50 kiłahramaŭ. Umovy zachoŭvańnia praduktaŭ charčavańnia nidzie nie adpaviadajuć sanitarnym normam, i homielskaja žanočaja PK-4 adnoj ź pieršych sutyknułasia z prablemaj razmnažeńnia nasiakomych, daviedaŭsia pravaabarončy resurs Mayday.team.
U hetaj ustanovie zaviałasia charčovaja mol, jakaja razmnažajecca pahroźlivymi tempami. Heta niekalki vidaŭ nievialikich matylkoŭ, ličynki jakich źjadajuć prosta ŭsio biez razboru: ad arechaŭ i kakavy da piečyva i navat śpiecyj. Sotni nasiakomych ciapier rajacca ŭ pamiaškańni dla zachoŭvańnia pieradač.
Zvyčajna mol traplaje ŭ budynak razam z zaražanymi praduktami, i čaściej za ŭsio heta biudžetnyja varyjanty charčavańnia, jakija raspradajucca pa nizkich cenach, — mienavita toje, što pryvoziać u pieradačach svajaki asudžanych.
Vyvieści takuju mol vielmi składana, prytym što administracyja kałonii pakul što navat i nie sprabuje ź joj zmahacca.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary