Pa spravie ČKB zatrymali žychara Homiela. Voś jak jaho znajšli
Jašče adnaho biełarusa zatrymali za pieradaču źviestak u prajekt Čornaja kniha Biełarusi, u jaki ŭkaraniŭsia supracoŭnik HUBAZiK. Raspaviadajem, chto jon i jak my jaho adšukali — imavierna, hetak ža jaho znajšli i siłaviki.
Zatrymany — hamialčuk Andrej Zajkoŭ. Jamu 36 hadoŭ. Na 2020-y pracavaŭ u ahienctvie nieruchomaści «Pavierchi», mahčyma, ciapier pierajšoŭ u inšaje. U mužčyny jość małaja dačka.
HUBAZiK kaža, što jon sam napisaŭ u Čornuju knihu Biełarusi i prapanavaŭ skidvać adrasy siłavikoŭ, zamiašanych u represijach. Jon raskazaŭ, što pracuje ŭ ahienctvie nieruchomaści. Andrej nie viedaŭ, što na tym baku jamu adkazvaje supracoŭnik HUBAZiK Artur Hajko.
Andreja zatrymali kala troch dzion tamu. Ciapier jamu pahražaje da 12 hadoŭ źniavoleńnia.
Jak my jaho adšukali?
Mužčyna karystaŭsia adnym i tym ža akaŭntam z 2019 hoda. Ź jaho jon «źlivaŭ» infarmacyju ŭ Čornuju knihu Biełarusi, ź jaho ž pisaŭ kamientary ŭ adkrytych čatach i hrupach. U videa pakazvajuć jahonaje archiŭnaje imia karystalnika z bazy bota ČKB, jakuju zachavaŭ Artur Hajko. Praź jaho my adšukali aktualnaje imia telehram-akaŭnta i ID.
Praz bot «Voka Boha», jakim karystajucca i hubazikaŭcy, my adšukali numar Andreja praz ID jahonaha akaŭnta. Pa źlitych bazach klijentaŭ biełaruskich bankaŭ i Biełdziaržstrachu adrazu atrymałasia praz numar adšukać poŭnyja danyja mužčyny — jak proźvišča, imia i imia pa baćku, hetak i adras prapiski razam z numaram sacyjalnaha strachavańnia.
Bačna, što da nas akaŭnt Andreja praviarali praz bot jak minimum trojčy. Imavierna, heta i byli hubazikaŭcy, jakija skarystalisia takim ža šlacham.
Nahadvajem, my nie rekamiendujem karystacca «Vokam Boha» dla pravierki ŭłasnych akaŭntaŭ, asabliva kali vy ŭ Biełarusi. Stvaralniki supracoŭničajuć z rasijskimi i, imavierna, biełaruskimi śpiecsłužbami (dekłarujuć heta na staronkach servisu) i źbirajuć vaš numar pry zapusku bota. Kali vy «biaspłatny» karystalnik, to paśla jon budzie bačny pry zapycie pa ajdzi abo imieni karystalnika vašaha telehram-akaŭnta.
Kali vy sumniavajeciesia nakont biaśpieki vašaha akaŭnta, to vydalicie vašy kamientary, vydalicie akaŭnt i stvarycie novy na virtualny numar (tut — hajd pa tym, jak trymać jaho ananimnym, a tut — pa tym, jak znachodziać ludziej u telehramie). Ale nie isnuje harantyi taho, što vas nie adšukajuć — kali jon byŭ drenna abaronieny raniej, to, imavierna, patrapiŭ u bazy siłavikoŭ i da vas usio roŭna mohuć pryjści.
My rekamiendujem rehularna pierahladać vašy miery biaśpieki i kłapacicca pra jaje pastajanna. Heta važna, navat kali vy za miažoj.
«Naša Niva» — bastyjon biełaruščyny
PADTRYMAĆCiapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary