«Karty pakazvajuć, što jon dobry». Ja takaja: «B…, vy čo?». Novyja fakty pra ČKB i hubazikaŭca Artura ŭ joj
Na sajcie biełaruskaj «Miedyjazony» vyjšła vialikaje rasśledavańnie pra hubazikaŭca Artura Hajko, jaki 10 miesiacaŭ pracavaŭ u kanale pa deanonie siłavikoŭ «Čornaja kniha Biełarusi», vykonvajučy ahienturnaje zadańnie pa linii asnoŭnaj pracy. Akramia abahulnieńnia raniej viadomych faktaŭ, aŭtary rasśledavańnia praviali razmovy z tymi ludźmi, jakija šmat viedali ci musili viedać pra hetu spravu, i ŭ rasśledavańni paviedamlajucca cikavyja niuansy hetaj spravy. Naprykład, toje, što supracoŭniki ČKB sprabavali vyznačyć, ahient ci nie ahient Hajko, pry dapamozie varažby na kartach, i toje, što ŭ Artura byŭ dostup da čata «Chieksta» — «supolnaha čata z Nexta», jaki byŭ stvorany paśla taho, jak kanał abviaściŭ uznaharodu za źviestki pra supracoŭnikaŭ HUBAZa. Dajom z hetaha vialikaha tekstu niekalki cikavych vytrymak.
Niekalki čałaviek sabralisia na kvatery Bahdanoviča ŭ Vilni; Artur pastaviŭ umovu, što siarod ich nie pavinna być Sazanovič, jakoj jon nie daviaraŭ.
«Ja pamiataju, što kali ja sychodziła, dziaŭčyna Bahdanoviča raskładvała na kartach i takaja: «Dy nie, karty pakazvajuć, što jon [Artur] dobry». Ja takaja: «B…, vy čo?», — uspaminaje Janina.
Epizod z varažboj u razmovie z «Miedyjazonaj» zhadvaje i sam Bahdanovič, zrešty, pavodle jahonaj viersii, tady karty pakazali, što Artur, naadvarot, «drenny». Da hetaha, kaža jon, byŭ jašče adzin raskład, pa jakim karty pakazali, što Hajko «dobry».
Paśla publikacyi tekstu Daniił Bahdanovič źviazaŭsia z redakcyjaj i ŭdakładniŭ, što sam jon nijakich vysnoŭ na padstavie varažby nie rabiŭ.
***
Akramia botaŭ, Artur mieŭ dostup i da admin-paneli, dzie možna ŭbačyć usie paviedamleńni karystalnika, jaho ID i nik.
***
Akramia taho, u Artura byŭ dostup da čata «Chieksta» — «supolnaha čata z Nexta», jaki byŭ stvorany paśla taho, jak kanał abviaściŭ uznaharodu za źviestki pra supracoŭnikaŭ HUBAZa. Heta paćvierdziŭ «Miedyjazonie» i były supracoŭnik Nexta Jan Rudzik.
Administratary Nexta pierasyłali ŭ čat paviedamleńni karystalnikaŭ sa svajho bota, na asnovie hetych paviedamleńniaŭ supracoŭniki ČKB pisali pasty pra siłavikoŭ. Kali karystalnik padpisvaŭsia svaim sapraŭdnym imiem, jaho bačyli ŭsie ŭdzielniki čata, u tym liku Hajko. Paviedamleńni ź miedyjafajłami pierasyłalisia z paznačeńniem ID adpraŭnika.
«Miedyjazona» naličyła niekalki dziasiatkaŭ paviedamleńniaŭ, pieraadrasavanych takim čynam. U kanale Nexta nie było paznačana, što paviedamleńni padpisčykaŭ ab supracoŭnikach HUBAZiKa mohuć być pieradadzienyja trecim asobam.
***
Janina Sazanovič pryznaje, što «nie da kanca razumieła, što možna budzie znajści ludziej pa ID u telehramie».
«U nas byŭ Artur pa kibierbiaśpiecy. Kali za ciabie niešta robiać, ty nie mocna zadumvaješsia pra hetuju častku pracy», — razvažaje jana.
Apošni post u kanale ČKB byŭ apublikavany 31 traŭnia 2022 hoda. «Siońnia prajekt zakryty».
Całkam rasśledavańnie «Miedyjazony» čytajcie tut.
Čytajcie taksama:
«Biełsat»: Ahient HUBAZiKa moh spampavać bazu danych ČKB, u ruki siłavikoŭ trapili kantakty 10 000 infarmataraŭ
Hod tamu ČKB i Bajpoł raskazvali pra ahienta — ale voś što
Prakuror, supracoŭnik banka, načalnik adździeła Life. Kaho mahli zatrymlivać pa spravie «Čornaj knihi Biełarusi», dzie pracavaŭ ahient HUBAZiKa
«Kazaŭ, što ŭ jaho maci ŭ zakładnikach i my ničoha nie razumiejem». Byłaja redaktarka ČKB pra situacyju z ahientam u kamandzie
Foty z Maskvy dajuć pabačyć Pucina i Łukašenku biez hrymu15
Kamientary