Biełaruski bank zrabiŭ servis pa apłacie ŭ ARIP kamunałki i padatkaŭ z zamiežnych kartak
Servis zapuściŭ Paritetbank sumiesna z pravajdaram płaciažoŭ bePaid.
Paviedamlajecca, što ŭ servisie dastupnyja raźliki za kamunalnyja płaciažy, internet i mabilnuju suviaź ź luboj kropki śvietu z kart VISA, Mastercard, «Mir».
Akramia taho, z zamiežnych kart mahčymaja apłata padatkaŭ, dziaržpošlin, štrafaŭ i inšych pasłuh, za vyniatkam finansavych, a taksama płaciažoŭ na karyść anłajn-kazino i bukmiekierskich kantor.
Dla ździajśnieńnia apłaty nieabchodna zajści na staronku servisu na sajcie paritetbank.by, vybrać vid płaciažu, zapoŭnić nieabchodnuju infarmacyju i nacisnuć knopku «Apłacić». Kamisija składaje 5% z kožnaj apieracyi.
Suma ŭ ARIP vystaŭlajecca ŭ biełaruskich rublach, razam z tym apłata moža pravodzicca z kart u luboj valucie pa kursie banka-emitenta kartki.
Maksimalnaja suma płaciažu vyznačajecca pastaŭščykom pasłuhi, ale nie bolš za 36 900 rubloŭ u adny sutki.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary