«Ja nie mahu zrabić tak, kab praź Biełaruś nie zachodzili». Što Łukašenka skazaŭ pa telefonie Zialenskamu ŭ pačatku vajny
Sutnaść telefonnych pieramovaŭ pamiž Zialenskim i Łukašenkam uviečary pieršaha dnia vajny raskryŭ kiraŭnik ukrainskaj kiroŭnaj partyi «Słuha naroda» David Arachamija, jaki tady byŭ pobač i usio čuŭ.
Padčas intervju z Davidam Arachamijaj na jutub-kanale «Mosiejčuk +» ukrainskaja televiadučaja Natalla Masiajčuk spytała palityka pra pieršyja paśla pačatku vajny telefonnyja pieramovy pamiž Zialenskim i Łukašenkam, jakija dapamoh arhanizavać ukrainski deputat Šaŭčenka.
Inicyjataram razmovy byŭ Łukašenka, i Zialenski spačatku admoviŭsia ź im razmaŭlać, ale Arachamija, pavodle jaho słoŭ, usio roŭna pastaviŭ zvanok na hučnuju suviaź, kab ukrainski prezident pasłuchaŭ, «ci skaža Łukašenka što-niebudź važnaje».
Łukašenka tady skazaŭ: «My nie budziem vajavać z Ukrainaj».
«Ja nie mahu zrabić tak, kab jany nie karystalisia majoj infrastrukturaj, praź Biełaruś nie zachodzili i nie zapuskali rakiety. Ale ja harantuju, što nivodny biełaruski sałdat nie pierasiače miažu Ukrainy», — skazaŭ u pieršy dzień vajny Łukašenka Zialenskamu, uspaminaje Arachamija.
Arachamija adznačyŭ, što nichto tady słovam Łukašenki nie pavieryŭ, ale pry hetym dadaŭ, što «jon, vidać, dahetul trymaje svajo abiacańnie».
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ67
Kamientary
Vidać, što žychary Ukrainy jak nie razumieli, tak i nie razumiejuć sutnaść łukašyzma. łuka sa svaimi chałujami dahetul nie na vašaj terytoryi tolki tamu, što pabačyli jak ich haspadaru dali pa pysie. Heta palityčnaja žyvioła razumieje tolki movu siły i na praciahu 30 hadoŭ jon nivodnaha abiacańnia nie vykanaŭ.