Zialenskamu pakazali słovy Cichanoŭskaj pra dapamohu ŭ vyzvaleńni Biełarusi. Voś jak jon adreahavaŭ
U intervju ŭkrainskaj žurnalistcy Natalli Masiajčuk prezident Ukrainy Uładzimir Zialenski vykazaŭsia nakont losu Biełarusi.
Žurnalistka ŭ kancy razmovy ź Zialenskim uklučyła jamu kavałak svajho intervju sa Śviatłanaj Cichanoŭskaj (jano vyjšła dva miesiacy tamu). Tam palityk kazała, što nie vyklučaje, što moža źviarnucca da Zialenskaha z prośbaj vyzvalić Biełaruś.
Prezident Ukrainy prakamientavaŭ pačutaje.
«Ja liču, što pieramoha Ukrainy pastavić kropku», — adznačyŭ jon i ŭdakładniŭ, što pieramoha vyrašyć pytańnie nie tolki Biełarusi, ale i Małdovy, i Hruzii.
«Ja ŭpeŭnieny, pieramoha Ukrainy daść mahčymaść palityčnamu rašeńniu demakratyi i viartańniu cełasnaści tych dziaržaŭ», — skazaŭ Zialenski.
«Ja ŭpeŭnieny, nie treba dumać spadaryni Cichanoŭskaj pra armii inšych dziaržaŭ», — dadaŭ jon.
Śviatłana Cichanoŭskaja paśla 2020 hoda nie naviedvała Ukrainu. Jana tłumačyła, što dla hetaha, z ulikam jaje statusu ŭ Litvie, dzie žyvie palityk, musić być admysłovaje zaprašeńnie z boku ŭkrainskich uład. Ale ź Michaiłam Padalakom sustrakalisia inšyja pradstaŭniki Ofisa — Pavieł Łatuška (u mai 2023-ha), Valer Kavaleŭski (u červieni).
Cichanoŭskaja bačyłasia ź Zialenskim na ŭručeńni premii Karła Vialikaha ŭ Aachienie. Jany pacisnuli adno adnamu ruki.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
ale spytaju jašče raz -
KALI ŬŽO UKRAINIEC BUDZIE KIRAVAĆ UKRAINAJ?
hetaksama - kali biełaruska budzie kiravać Biełaruśsiu?
Heta sapraŭdnaja hańba dla biełaruski!