Učora forvard «Miłana» Frančeska Kamarda debiutavaŭ u Sieryi A ŭ matčy suprać «Fijarenciny».
Frančeska byŭ vyklikany ŭ asnoŭny skład «Miłana» paśla taho, jak «rasaniery» z-za traŭmaŭ stracili pierad hulnioj niekalki forvardaŭ.
Kamarda vyjšaŭ na pole na 83-j chvilinie pry liku 1:0 na karyść «Miłana». Hulnia i skončyłasia z takim likam.
Frančeska debiutavaŭ u Sieryi A va ŭzroście 15 hadoŭ i 260 dzion (jon naradziŭsia 10 sakavika 2008 hoda).
Da hetaha rekord naležaŭ Uizdamu Ami z «Bałońji», jaki 12 maja 2021 hoda vyjšaŭ na pole va ŭzroście 15 hadoŭ i 274 dzion.
Naohuł Frančeska Kamarda — unikum. Za junijorskija kamandy «Miłana» jon zabiŭ 485 hałoŭ u 89 matčach (heta značyć prykładna pa 5,45 hałoŭ za hulniu).
Za «Miłan-19» (dzie hulajuć futbalisty ŭzrostam da 19 hadoŭ) u hetym hodzie jon pravioŭ siem hałoŭ u 13 pajadynkach.
Vystupaje Kamarda i za roznyja junackija zbornyja Italii.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary