Svajaki Andreja Pačobuta bajacca, što situacyja z pazbaŭleńniem jaho pieradač i spatkańniaŭ moža zachavacca da 2028 hoda
Žurnalist Andrej Pačobut za kratami z sakavika 2021 hoda. Navin ad palitviaźnia mała i jany ŭ cełym zmročnyja, napisali jahonyja svajaki ŭ sacsietkach.
Niadaŭna suprać Andreja skłali dva pratakoły — u pakarańnie jaho pazbavili pieradačy i spatkańnia. Ahułam ad pačatku adbyćcia terminu ŭ Pačobuta ŭvohule nie było ni sustreč, ni pieradač, piša Radyjo Svaboda.
Svajaki žurnalista miarkujuć, što takaja tendencyja moža zachavacca da momantu jaho vyzvaleńnia, jak minimum da lutaha 2028 hoda.
Adnak blizkija Pačobuta taksama adznačajuć, što jon nie straciŭ raŭnavahi, spakojnaha nastroju, zaŭsiody cikavicca ŭsimi svaimi siabrami i kalehami i pieradaje pryvitańni.
Andreja Pačobuta zatrymali ŭ sakaviku 2021 hoda ŭ Hrodnie. Za artykuł pra napad SSSR na Polšču ŭ vieraśni 1939-ha jaho abvinavacili ŭ «raspalvańni varožaści pa nacyjanalnaj prykmiecie». U 2023-m vynieśli prysud — 8 hadoŭ kałonii. 21 červienia stała viadoma, što palitviaźnia pieraviali ŭ navapołackuju kałoniju № 1.
Kamientary