Ukraina choča mabilizavać svaich hramadzian, jakija znachodziacca za miažoj
Ukrainskija mužčyny va ŭzroście 25-60 hadoŭ, jakija pražyvajuć u Hiermanii i inšych krainach, u nastupnym hodzie pavinny zjavicca ŭ pryzyŭnyja punkty USU, inakš da ich buduć užytyja sankcyi, zajaviŭ u intervju ministr abarony Rustem Umieraŭ, piša «UP».
Ukraincy, jakija pražyvajuć u Niamieččynie i prydatnyja da vajskovaj słužby, pavinny ŭzmacnić ukrainskuju armiju ŭ nastupnym hodzie. Pa słovach ministra abarony, da tych, chto nie vykanaje hetaje patrabavańnie, buduć užytyja sankcyi.
Paviedamlajecca, što Umieraŭ kazaŭ pra «zaprašeńnie», ale dakładna daŭ zrazumieć, što buduć sankcyi, kali niechta nie adhukniecca na hetaje «zaprašeńnie».
«My ŭsio jašče abmiarkoŭvajem, što adbudziecca, kali jany nie pryjduć dobraachvotna», — skazaŭ jon.
Ukrainskija vajskoŭcy chočuć mabilizavać jašče ad 450 000 da 500 000 čałaviek. Prezident Uładzimir Zialenski praź finansavyja i palityčnyja ŭmovy hetaha kroku nazvaŭ mabilizacyju «adčuvalnym pytańniem».
Ukrainskija vajskoŭcy ciapier sutyknulisia z tym, što rasiejcy naroščvajuć tempy naziemnaha nastupu na paŭdniovym uschodzie krainy.
«Suśpilnie» sa spasyłkaj na načalnika adździeła arhanizacyi pamiežnaha kantrolu Zachodniaha rehijanalnaha ŭpraŭleńnia Dziaržaŭnaj pamiežnaj słužby Ihara Matvijčuka, paviedamiła, što za sutki kala 6 tysiač ukrainskich mužčyn pryzyŭnoha ŭzrostu vyjazdžajuć praz zachodniuju miažu Ukrainy. Pałova ź ich — dalnabojščyki.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary