Украіна хоча мабілізаваць сваіх грамадзян, якія знаходзяцца за мяжой
Украінскія мужчыны ва ўзросце 25-60 гадоў, якія пражываюць у Германіі і іншых краінах, у наступным годзе павінны зʼявіцца ў прызыўныя пункты УСУ, інакш да іх будуць ужытыя санкцыі, заявіў у інтэрвʼю міністр абароны Рустэм Умераў, піша «УП».
Украінцы, якія пражываюць у Нямеччыне і прыдатныя да вайсковай службы, павінны ўзмацніць украінскую армію ў наступным годзе. Па словах міністра абароны, да тых, хто не выканае гэтае патрабаванне, будуць ужытыя санкцыі.
Паведамляецца, што Умераў казаў пра «запрашэнне», але дакладна даў зразумець, што будуць санкцыі, калі нехта не адгукнецца на гэтае «запрашэнне».
«Мы ўсё яшчэ абмяркоўваем, што адбудзецца, калі яны не прыйдуць добраахвотна», — сказаў ён.
Украінскія вайскоўцы хочуць мабілізаваць яшчэ ад 450 000 да 500 000 чалавек. Прэзідэнт Уладзімір Зяленскі праз фінансавыя і палітычныя ўмовы гэтага кроку назваў мабілізацыю «адчувальным пытаннем».
Украінскія вайскоўцы цяпер сутыкнуліся з тым, што расейцы нарошчваюць тэмпы наземнага наступу на паўднёвым усходзе краіны.
«Суспільне» са спасылкай на начальніка аддзела арганізацыі памежнага кантролю Заходняга рэгіянальнага ўпраўлення Дзяржаўнай памежнай службы Ігара Матвійчука, паведаміла, што за суткі каля 6 тысяч украінскіх мужчын прызыўнога ўзросту выязджаюць праз заходнюю мяжу Украіны. Палова з іх — дальнабойшчыкі.
-
У акупаваным Луганску скончыўся бензін АІ-92 і АІ-95. Яго дэфіцыт назіраецца і ў некаторых рэгіёнах Расіі
-
Колькі ўкраінцаў згодны на перамовы на любых умовах, а колькі за тое, каб ваяваць, пакуль не выйдуць на мяжу 2022 года
-
Сотні людзей прыйшлі ў Кіеве развітацца з маладой маці і яе дачкой, якія загінулі ад расійскага ўдару
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары