«Maje nyrki nie pieražyli Bachmuta. Ale vyzvalać Biełaruś ja hatovy navat biez nyrak»
Alaksandr Kłačko «Kuś», adzin z najbolš publičnych biełaruskich dobraachvotnikaŭ, jakija zmahajucca za Ukrainu, paviedamiŭ u sacsietkach, što praz stanie zdaroŭja byŭ zmušany pakinuć vajskovuju słužbu.
«Čas padvieści vyniki adnaho z važnych etapaŭ majho žyćcia.
Mianie kamisavali pa stanie zdaroŭja. Chvaroba paviazana z «zachistom baťkivŝini» (nyrki nie pieražyli Bachmuta). Chacia dla mianie farmuloŭka hučyć troški dziŭna, bo «baťkivŝina» ŭ mianie adna. Ab joj Janka Kupała napisaŭ vierš «Spadčyna».
Maje mety zastajucca tymi ž — paraza Rasiei jak impieryi i vyzvaleńnie Biełarusi.
Ja bačyŭ siabie bolš efiektyŭnym u hetaj spravie na nuli. Ciapier budu šukać inšyja srodki nabližeńnia svajoj mety.
Apošnija try hady ja staviŭ svaju metu na pieršaje miesca, achviarujučy asabistym. Ciapier płanuju ćviorda stać na nahi (bo kamu ja zmahu dapamahčy, kali sam nie budu zdolny pakłapacicca pra siabie). Pry hetym nikoli nie pramianiaju svajho šlachu na ŭładkavanaje žyćcio biełarusa-chataskrajnika sa zdarovymi nyrkami ŭ Biełarusi albo ŭ emihracyi.
Moj šlach (pratest, vymušanaja mihracyja, udzieł u bajavych dziejańniach suprać rasiejskich akupantaŭ) — moj asabisty vybar, jaki dla mianie źjaŭlajecca adnoj z hałoŭnych kaštoŭnaściaŭ.
Dziakuj usim, chto byŭ i praciahvaje być pobač na hetym šlachu.
Tema Biełarusi mianie chvaluje jak i raniej. Pryśviačać joj bolš času ja płanuju pa miery vyrašeńnia asabistych zadač (dakumienty, pracaŭładkavańnie, lekavańnie).
Biełaruś budzie volnaj.
Vyzvalać jaje ja hatovy navat biez nyrak», — napisaŭ Alaksandr Kłačko.
Čytajcie taksama:
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary