Brytanskamu pryncu Łui ŭpieršyniu dazvolili nadzieć štany
Raniej juny prync vychodziŭ u śviet vyklučna ŭ šortach, navat u chałodnaje nadvorje.
Piacihadovy Łui Uelski — syn prynca Uiljama i Kiejt Midłtan. Łui — čaćviorty ŭ čarzie spadčyńnik brytanskaha trona.
Niekalki dzion tamu jon razam z usioj karaleŭskaj siamjoj naviedaŭ kaladnuju słužbu ŭ carkvie sv. Maryi Mahdaliny ŭ Sandrynhiemie na paŭnočnym uschodzie Anhlii.
Jak adznačaje ahladalnik Bild Becina fon Šymielman, Łui ŭpieršyniu źjaviŭsia na publicy ŭ štanach, a nie ŭ šortach.
Raniej juny prync vychodziŭ u śviet vyklučna ŭ šortach, navat u chałodnaje nadvorje. Žurnalistka piša, što ŭ čapurystaj Anhlii šorty — prykmieta vyšejšaha kłasa, siarod arystakrataŭ tam dahetul ličycca vielmi vytančanym adziavać chłopčykaŭ tolki ŭ šorty da 8-9 hadoŭ.
Jak tłumačać brytanskija ekśpierty mody, u krainie histaryčna skłałasia, što šorty — simvał prynaležnaści da vyšejšaha płasta hramadstva, štany — da siaredniaha kłasa, a džynsy — da nižejšaha.
Kamientary