Ahidniejšy za Hitlera. Apublikavany rejtynh samych nialubych pierson u historyi futboła
Usiaho ŭ śpisie 32 hulcy i treniery.
Brytanski sajt FourFourTwo skłaŭ rejtynh samych nialubych pierson u historyi futboła, piša football.by.
7-je miesca ŭ im zaniaŭ Kryšcijanu Ranałdu. Składalniki rejtynhu śćviardžajuć, što padčas matčaŭ partuhalec «prajaŭlaŭ pychu».
Adnak samym nienavisnym staŭ anhlijski paŭabaronca Džoŭi Bartan, jaki ŭ pačatku 2000-ch hulaŭ za «Mančester Sici», «Ńjukasł», «KPR», «Biernli».
Jon byŭ viadomy svaimi ahresiŭnymi dziejańniami na poli. Niekatory čas tamu jon taksama krytyčna vykazaŭsia pra žančyn-futbalistak. Pačaŭšy karjeru treniera (zaraz treniruje «Brystal Sici» z treciaha dyvizijona), jon paraŭnaŭ hulniu svajoj kamandy z Chałakostam.
Za Bartanam raźmiaściŭsia Zep Błater. Prezident FIFA ŭ 1998—2015 hadach źjaŭlaŭsia fihurantam karupcyjnaha skandału.
Treci radok «zarźziervavaŭ» za saboj eks-hałkipier zbornaj Niamieččyny Charald «Toni» Šumachier.
Jon u paŭfinale čempijanatu śvietu 1982 hoda nanios ciažkuju traŭmu hulcu zbornaj Francyi Patryku Batystanu, jaki atrymaŭ pierałom šyjnych pazvankoŭ i straciŭ dva zuby.
Paśla hetaj sustrečy francuzskija ŚMI zajavili, što Šumachier — fihura bolš ahidnaja, čym Adolf Hitler.
Za imi raźmiaścilisia Mišel Płacini, sieniehalski futbalist El Chadžy Dyuf, były hulec «Čełsi» Džon Tery, Kryšcijanu Ranałdu, uruhvajec Łuis Suares, jaki nie tolki dobra hulaŭ, ale i dobra ŭmieŭ kusacca, anhlijski futbalist 1980-1990-ch Pit Vinkielman i trenier Žaze Maŭryńju.
U Top-32 taksama ŭvajšli, siarod inšych, Dyjeha Maradona (14-y), trenier «Mančester Junajted» Aleks Fierhiusan (27-y) i futbalist «Reała», jaki viarnuŭsia ŭ «Sievilju», Sierchia Ramas (31-y).
Biełaruski futbalist pierajšoŭ u treci kłub čempijanatu Izraila
Žaze Maŭryńju pakinuŭ pasadu hałoŭnaha treniera «Romy»
Upieršyniu ŭ italjanskaj Sieryi A za adzin kłub u adnym matčy zabili try roznyja francuzy
FIFA nazvała najlepšaha futbalista 2023 hoda. I heta znoŭ Miesi
Alaksandr Chackievič znajšoŭ novaje miesca pracy
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku17
Kamientary