Partuhalec byŭ 60-m trenieram u historyi kłuba sa stalicy Italii. Jon uznačalvaŭ kamandu z maja 2021 hoda.
«Roma» paćvierdziła, što Žaze Maŭryńju i jaho trenierski štab nieadkładna pakinuć kłub, paviedamlajecca na aficyjnym sajcie staličnaj kamandy.
Maŭryńju pryvioŭ kamandu da pieramohi ŭ Lizie kanfierencyj u mai 2022 hoda i da finału Lihi Jeŭropy ŭ minułym siezonie.
«My chacieli b padziakavać Žaze ad imia ŭsich nas u «Romie» za jaho zapał i namahańni z momantu jaho prychodu ŭ kłub», — uładalniki kłuba Den i Rajan Frydkiny.
U sioletnim čempijanacie «Roma», za jakuju na styku stahodździaŭ hulaŭ biełarus Siarhiej Hurenka, idzie na 9-m miescy, adstajučy na piać bałaŭ ad zony płej-of. U minułym tury «džeła-rosi» prajhrali «Miłanu» 1:3.
***
Zorka Žaze Maŭryńju ŭzyšła ŭ 2004 hodzie, kali jon z «Portu» vyjhraŭ Lihu čempijonaŭ (pierad hetym była pieramoha ŭ Kubku UEFA). Paśla tryumfu jon pakinuŭ kłub.
Potym jon uznačaliŭ «Čełsi», ź jakim try razy vyjhraŭ anhlijskuju premjer-lihu, paśla ź miłanskim «Interam» dva razy čempijanat Italii i Lihu čempijonaŭ (2010), z madrydskim «Reałam» čempijanat Ispanii, z «Mančester Junajted» vyjhraŭ Lihu Jeŭropy (2017).
U lipieni paviedamlałasia, što Žaze admoviŭsia ad 30 miljonaŭ jeŭra ŭ Saudaŭskaj Aravii.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary