Upieršyniu amal za stahodździe ŭ Saudaŭskaj Aravii dazvolać prodaž ałkaholu
Ahienctva Reuters sa spasyłkaj na svaju krynicu i niepubličny dakumient paviedamiła pra zapłanavanaje adkryćcio ŭ Saudaŭskaj Aravii pieršaj za 72 hady ałkaholnaj kramy, što faktyčna aznačaje dazvoł na handal śpirtnymi napojami. Ale sa svojeasablivymi abmiežavańniami.
U krainie padobnaje daŭno ličycca kryminalnym złačynstvam, choć unutry jaje i kvitnieje čorny rynak, dzie možna dastać śpirtnoje.
Zapłanavanaje adkryćcio kramy, adnak, zakranie tolki adnu hrupu asob — zamiežnych dypłamataŭ, «jakija pry hetym nie vyznajuć isłam».
«Ałkaholnaja krama pavinna adkrycca ŭ najbližejšyja tydni ŭ dypłamatyčnym kvartale stalicy krainy Er-Ryjada, dzie napoi budzie dazvolena pradavać vyklučna zamiežnym niemusulmanskim dypłamatam.
Dla pakupki ałkaholu im budzie nieabchodna zarehistravacca ŭ śpiecyjalnym dadatku i atrymać kod dostupu ad MZS Saudaŭskaj Aravii. Akramia hetaha, supracoŭnikaŭ zamiežnych dypmisij abaviažuć schavać telefony padčas pakupak i nie pieravyšać štomiesiačnuju kvotu na ałkahol», — piša Reuters sa spasyłkaj na krynicu i nieapublikavany dakumient urada krainy.
Hetaje novaŭviadzieńnie zaklikana pryciahnuć jašče bolš zamiežnych biznesmienaŭ i turystaŭ u krainu, bo historyja z dazvołam kramy moža atrymać praciah, adznačaje krynica ahienctva.
Razam z tym heta taksama moža być mieraj suprać čornaha rynku ałkaholu ŭ krainie i asabliva tajemnych schiem pastaŭki śpirtnoha praz dypłamatyčnuju poštu zamiežnikaŭ.
Raśpićcio i prodaž ałkaholu ŭ Saudaŭskaj Aravii byŭ całkam zabaronieny jašče ŭ 1952 hodzie dla zachavańnia normaŭ isłamu. Z taho času parušeńnie zabarony miascovymi žycharami abo zamiežnikami moža paciahnuć za saboj štrafy, sotni ŭdaraŭ bizunom i navat pazbaŭleńnie voli. U vypadku zamiežnikaŭ heta taksama moža skončycca departacyjaj.
U toj ža čas u krainie aficyjna dazvoleny prodaž biezałkaholnych vinaŭ, piva i inšych napojaŭ.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary