Davieranuju asobu Łukašenki raptoŭna nie zarehistravali kandydatam u Hrodzienski abłasny saviet
Na ŭsie 60 vybarčych akruhaŭ u Hrodzienski abłasny saviet znajšłasia tolki biezalternatyŭnaja — Ašmianskaja. Tut u apošni momant advaliŭsia favaryt, biznesmien Andrej Barbašynski.
Andrej Barbašynski — namieśnik staršyni Biełaruskaj fiederacyi handboła, u minułym paśpiachovy handbalist. U 1992 staŭ alimpijskim čempijonam u składzie zbornaj SND. A ŭ 2020 byŭ davieranaj asobaj Alaksandra Łukašenki padčas prezidenckich vybaraŭ. Ciapier jon člen vykankama Nacyjanalnaha alimpijskaha kamiteta na čale ź Viktaram Łukašenkam.
Barbašynski rodam z Ašmianaŭ. Staŭ viadomym za košt hulni ŭ minskim SKA, u 1990-ja hulaŭ u kłubach ź Ispanii, Vienhryi i Hiermanii. Paśla skančeńnia karjery zaniaŭ biznesam. Pracuje dyrektaram biełaruska-niamieckaj kampanii «Biełabiedzinh», jakaja vypuskaje matracy na fabrycy pad Hrodna.
Barbašynski mieŭsia udzielničać u vybarach — ad jaho imia sabrali podpisy ŭ padtrymku, praviali schod pracoŭnaha kalektyvu. Biznesmien padaŭ dakumienty na rehistracyju, ale ŭ apošni momant niešta pajšło nie tak.
U vyniku deputackaje miesca daviadziecca zaniać jaho sparynh-partniorcy, zahadčycy siektara kultury Ašmianskaha rajvykankama Volzie Barysienka-Rabko, jakuju dadali ŭ biuleteni ad Kamunistyčnaj partyi.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB58
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary