Raskryli zabojstva kasirki minskaha abmieńnika 14-hadovaj daŭniny
Supracoŭniki kryminalnaha vyšuku minskaj milicyi pry siłavoj padtrymcy śpiecpadraździaleńnia «Ałmaz» zatrymali 48-hadovaha minčuka, jaki padazrajecca ŭ zabojstvie 14-hadovaj daŭniny, paviedamiła Ministerstva ŭnutranych spraŭ.
U śniežni 2009 hoda ŭ pamiaškańni abmiennaha punkta valut u Zavodskim rajonie Minska inkasatar vyjaviŭ trup 20-hadovaj dziaŭčyny-kasirki. Vyśvietliłasia, što z kasy źnikła vyručka ŭ pamiery kala 35 miljonaŭ niedenaminavanych biełaruskich rubloŭ u ekvivalencie (ciapierašnija 3500 rubloŭ).
«Syščyki vyśvietlili, što zatrymany skarystaŭsia tym, što kasirka padčas pierapynku na abied pakinuła pamiaškańnie, i praz pryadčynieny ralet prakraŭsia ŭsiaredzinu. Dačakaŭšysia, pakul dziaŭčyna vierniecca na pracoŭnaje miesca i adkryje dźviery da prykasavaj zony, jon napaŭ i nanios achviary šmatlikija ŭdary nažom u žyvot i šyju. Ad atrymanych traŭmaŭ paciarpiełaja zahinuła na miescy», — adznačyli ŭ viedamstvie.
Tolki ciapier mužčynu ŭdałosia vyličyć i zatrymać. Śćviardžajecca, što jon pryznaŭ vinu. Pa słovach padazravanaha, raniej jon nie byŭ znajomy z zahinułaj, a hrošy vydatkavaŭ na asabistyja patreby, u tym liku na hulniavyja ŭstanovy. Fihurant byŭ nieadnarazova sudzimy za machlarstva i chulihanstva.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary