Pakul takaja mahčymaść jość tolki ŭ jurydyčnych asob i IP.
U Jeŭrapošcie źjaviłasia mahčymaść adpraŭlać pasyłki za košt adrasata. Atrymalnika možna vybrać dla apłaty vydatkaŭ za pierasyłku, upakoŭku abo nakładzieny płaciož. Pakul takaja mahčymaść jość tolki ŭ jurydyčnych asob i IP, ale ŭ budučyni opcyja stanie dastupnaja i adpraŭnikam — fizičnym asobam, raspaviali Office Life u kampanii.
Dla taho kab adpravić pasyłku za košt atrymalnika, treba vybrać hetuju opcyju ŭ asabistym kabiniecie abo ŭ adździaleńni Jeŭrapošty. Paśla pryjomki pasyłki źmianić umovy nielha. Tamu pradaŭcam rekamiendujecca papiaredžvać pakupnikoŭ ab dadatkovych vydatkach i taryfach.
Pa słovach namieśnika dyrektara pa raźvićci paštovych pasłuh ZAT «Internet-krama Jeŭraopt» Alaksandra Jakaŭleva, «heta novy sposab aptymizavać svoj biznes i pavysić łajalnaść klijentaŭ». Pasyłki za košt atrymalnika možna adpraŭlać pa ŭsioj Biełarusi. Jość varyjant jak padzialić z pakupnikom vydatki, tak i pierakłaści ich całkam na jaho.
Adpraŭka da adździaleńnia pasyłki vahoj da 1 kh abyjdziecca ŭ 3,79 rubla, ad 1,01 da 2 kh — u 4 rubli, a ad 5 da 10 kh — u 6,49 rubla. Bujnahabarytnyja tavary ad 45 da 50 kh «paciahnuć» na 29,99 rubla. Košt upakoŭki varjirujecca ad 0,35 da 5,5 rubla ŭ zaležnaści ad pamieru. Tavar možna spakavać u skrynku abo kurjerski pakiet.
Kali adrasat admovicca ad tavaru ci nie zabiare jaho, to pasyłka vierniecca nazad. Tady razam z płataj za viartańnie adpraŭnik atrymaje rachunak za pierasyłku i ŭpakoŭku pasyłki.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary