Nibyta adna z vajskovych častak užo hatova zaklučyć kantrakt z byłym «ministram abarony» DNR.
Abarona byłoha «ministra abarony» DNR Ihara Strałkova (Hirkina), jaki atrymaŭ čatyry hady kałonii pavodle spravy ab ekstremiźmie (č.2 art. 280 KK), paprosić nakiravać jaho na vajskovuju słužbu ŭ adnu z vajskovych častak u zonie «śpiecyjalnaj vajskovaj apieracyi» (tak u Rasii nazyvajuć ahresiju suprać Ukrainy), paviedamiŭ RBK jahony advakat Alaksandr Mołachaŭ.
Advakaty ŭ kancy studzienia abskardzili prysud Strałkovu. Jak paviedamiŭ Mołachaŭ, sudovaje pasiadžeńnie pa kryminalnaj spravie projdzie ŭ pieršym apielacyjnym sudzie ahulnaj jurysdykcyi ŭ Maskvie 15 maja.
Da apielacyjnaj skarhi Mołachava prykładzieny dakumient, jaki paćviardžaje zhodu adnoj z vajskovych častak na terytoryi DNR na zaklučeńnie kantraktu z Hirkinym.
«Abarona ličyć, što, niahledziačy na pryniaćcie Dziarždumaj niadaŭna zakona, jaki zabaraniaje adpraŭku na front asudžanych pa ekstremisckich artykułach, pravavaja mahčymaść dla zaklučeńnia vajennaha kantraktu sa Strałkovym isnuje», — paviedamiŭ Małochaŭ.
Jana nastupić, kali sud apielacyjnaj instancyi admienić prysud, albo kali prezident Rasii vyrašyć pamiłavać asudžanaha i źniać ź jaho sudzimaść, na što maje prava ŭ adpaviednaści z Kanstytucyjaj.
Žonka Hirkina-Strałkova: Vielmi pieražyvaju za muža
Strałkoŭ-Hirkin moža z kałonii adpravicca na front
Vynieśli prysud Iharu Hirkinu-Strałkovu. U Rasii jaho nazvali surovym
«U vypadku Strałkova-Hirkina, jakomu prysudzili 4 hady kałonii, jość tolki adna surjoznaja prablema»
Inicyjatyŭnaja hrupa vyłučyła Strałkova na vybary rasijskaha prezidenta, ale nie zmahła znajści nataryusa
Kamientary