Inžynieru «Minabłaŭtatransa» dali realny termin za DTZ z maršrutkaj pad Smalavičami, u jakim zahinuli 13 čałaviek
Sud u Žodzinie prysudziŭ hałoŭnaha inžyniera adnaho ź filijałaŭ «Minabłaŭtatransa» da dvuch hadoŭ kałonii-pasialeńnia pa artykule ab słužbovaj chałatnaści, jakaja paciahnuła pa nieaściarožnaści śmierć čałavieka (častka 2 artykuła 428 KK), piša pres-słužba Viarchoŭnaha suda.
Zhodna z materyjałami spravy, asudžany nienaležnym sposabam pravieryŭ techničny stan samazvała — jon akazaŭsia niaspraŭnym.
Z-za hetaha mašyna na trasie Smalavičy — Śmiłavičy — Praŭdzinski — Šack» vyjechała na sustrečnuju pałasu i sutyknułasia z maršrutkaj. Zahinuli 13 čałaviek.
Hałoŭnym inžynieram jon pracavaŭ z 12 maja 2021 hoda pa 20 lutaha 2023 hoda. U sudzie mužčyna svaju vinu nie pryznaŭ.
Akramia pazbaŭleńnia voli, jaho abaviazali vypłacić MNS 203 rubli 74 kapiejki i 80 rubloŭ dziaržpošliny. Zajmać pasady, źviazanyja z vykanańniem arhanizacyjna-rasparadčych abaviazkaŭ, asudžanamu zabaranili na 5 hadoŭ.
Nahadajem, što 20 lutaha 2023 hoda na darozie Smalavičy — Šack samazvał MAZ sutyknuŭsia z maršrutnym taksi — u vyniku avaryi na miescy zahinuli 11 čałaviek, jašče dvoje pamierli paźniej u balnicy. Kiroŭcu hruzavoha aŭtamabila dali siem hadoŭ kałonii.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju16
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary