Vidavočca raskazaŭ, jak adbyvałasia pachavańnie zabitaha ajcišnika Zielcara
Prapaviednik i baćka siami dziaciej Sierhij Mieljaniec, jaki niadaŭna pakinuŭ Biełaruś paśla adbyćcia pakutlivych 25 sutak na Akreścina pierad pierśpiektyvaj užo kryminalnaha pieraśledu, u svaim intervju «Našaj Nivie» siarod inšaha raskazaŭ, jak adbyvałasia pachavańnie ajcišnika Andreja Zielcara, jaki akazaŭ uzbrojeny supraciŭ siłavikam, što ŭvarvalisia ŭ jahonuju kvateru, i byŭ imi zastreleny. Pavodle jaho słoŭ, «tam było samaje sumnaje pachavańnie, jakoje ja bačyŭ u žyćci».
«Sabrałasia čałaviek sa sto. Usie ŭ maskach i kapiušonach, ja nie braŭ telefon, tolki ŭziaŭ stary focik. Było jasna — hetyja ludzi hatovyja da taho, što ich zabiaruć, za nami pryhladali z busika biez numaroŭ. Napeŭna, sabralisia samyja śmiełyja ludzi Biełarusi.
Staić truna, vakoł ludzi. Staić mama la truny, hładzić Andreja pa hałavie, pobač niejkaje dzicia. Staić baćka-invalid na mylicach. Usie maŭčać, tolki mama pryhavorvaje «synočak, synočak», pačynaje raskazvać, jakim jon byŭ dobrym chłopcam. Śviatara niama. Mietraŭ za 15 ad nas idzie inšaje pachavańnie, tam usio jak maje być — i śviatar adpiavaje, i ludzi molacca.
Ja dumaŭ, što mahu zrabić, bo prosta serca razryvajecca. Navažyŭsia, padyšoŭ da mamy Andreja, i jana dazvoliła skazać paru słovaŭ — što Boh pakłaŭ na serca, toje i skazaŭ. Było žudasna strašna, ale choć niešta. A potym prosta pakłali trunu ŭ mahiłu i biez usiakaha adpiavańnia pachavali Andreja», — raskazaŭ Sierhij Mieljaniec.
Całkam intervju ź Sierhijem Mieljancom čytajcie:
«Skazali, što moj artykuł — zdrada dziaržavie». Pahutaryli z prapaviednikam Mieljancom, jaki źjechaŭ ź Biełarusi ź siamiu dziećmi
Dva hady, jak zahinuli Andrej Zielcer i Dźmitryj Fiedasiuk. Jak vyhladaje miesca pachavańnia kadebešnika
Azaronak prapanuje pastavić biust kadebešniku Fiedasiuku, jaki zahinuŭ u pierastrełcy ź Zielceram, i nazvać u jaho honar vulicu
«Viasna»: Pa «spravie Zielcera» ŭ Biełarusi asudžanyja 114 čałaviek, 99 ź jakich — da pazbaŭleńnia voli
«Pisaŭ u internecie niehatyŭnyja, nieprystojnyja i niedapuščalnyja vykazvańni ŭ adras Łukašenki» — u čym abvinavačvajuć žurnalista Mažejku
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary