U Viarchoŭnuju Radu ŭnieśli zakonaprajekt, jaki maje spraścić atrymańnie biełaruskimi dobraachvotnikami ŭkrainskaha hramadzianstva
Padtrymać zakonaprajekt, jaki sprościć paradak atrymańnia hramadzianstva dla zamiežnych vajskoŭcaŭ i ich siemjaŭ, zaklikaŭ z parłamienckaj trybuny svaich kaleh deputat Ihar Huź.
Ihar Huź admysłova padkreśliŭ, što hety zakon patrebien pieradusim dobraachvotnikam ź biełaruskaha Pałka Kalinoŭskaha:
«Hetyja ludzi svajoj kryvioj i svaimi ŭčynkami dakazali, što jany vartyja zvacca hramadzianami Ukrainy, ale bolšaść ź ich čamuści zastałasia ŭ padviešanym stanie, pieražyvajučy za svaich rodnych, dla jakich viartańnie ŭ Biełaruś aznačaje hibiel».
Pytańnie lehalnaha znachodžańnia na terytoryi Ukrainy sapraŭdy vielmi važnaje dla biełaruskich bajcoŭ, adznačajecca na sajcie Pałka Kalinoŭskaha. Na hety momant bolš za 30% jaho asabovaha składu ŭ toj ci inšaj stupieni sutyknulisia z prablemami dakumientaŭ: niesapraŭdnyja pašparty, adsutnaść dazvołu na žycharstva, a taksama nieabchodnaść pakinuć Ukrainu i Połk Kalinoŭskaha dla vyrašeńnia pytańnia lehalizacyi ŭ krainach Jeŭrasajuza.
Akramia taho, na dumku biełaruskich dobraachvotnikaŭ, spraščeńnie mihracyjnaj palityki Ukrainy budzie sadziejničać bolš aktyŭnamu rekrutynhu ŭ ich šerahi.
Jak śćviardžajecca, kožny treci biełarus, jaki źviarnuŭsia ŭ bot dla rekrutynhu, maje prablemy z pašpartam, što ŭskładniaje pieramiaščeńnie i ŭjezd va Ukrainu.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia16
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary