Atrymaŭ ranieńnie biełaruski dobraachvotnik Pavał Kułažanka, viadomy jak Exomon
«Vyratavała kaska».
Pra heta napisaŭ u svaim telehram-kanale błohier Vital «Virus» Kandracienka. «Pašu vyratavała kaska. Askołačnyja ad kraja kaski ŭ ščaku», — adznačyŭ Vital.
Paŭłu Kułažanku 39 hadoŭ. U Biełarusi jon słužyŭ u AMAPie, udzielničaŭ u razhonie Płoščy-2010. Ale praz hod vyjhraŭ hryn-kartu i syjšoŭ sa słužby. U 2020-m padtrymaŭ ruch za svabodnyja vybary i dałučyŭsia da samaha radykalnaha kryła ruchu — «Supraciŭ». Vioŭ sacsietki pad niknejmam Exomon.
Asabliva vostra krytykavaŭ Štab Cichanoŭskaj i źviazanyja ź im struktury. Udzielničaŭ u niekalkich kaalicyjach — ŠOS, jaki stvarała Volha Karač, i sazvonach «zmoŭščykaŭ», jakija vyjavilisia pravakacyjaj KDB (paśla Alaksandr Fiaduta, Ryhor Kastusioŭ i Juryj Ziankovič atrymali vialikija terminy).
Z pačatkam rasijskaha ŭvarvańnia padtrymaŭ Ukrainu i dałučyŭsia da Pałka Kalinoŭskaha. Uziaŭ pazyŭny «Nazhuł». Paźniej Kułažanka pierajšoŭ u taktyčnuju hrupu «Afina», dzie zaraz słužyć kulamiotčykam.
«Naša Niva» — bastyjon biełaruščyny
PADTRYMAĆCiapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary