«Biełdžy» anansavaŭ pačatak prodažu novaj madeli krasoviera pad ułasnym brendam
Novaja madel ad biełaruska-kitajskaha vytvorcy maje nazvu Belgee X70. Ale novaha ŭ joj niašmat.
Pa sutnaści, Belgee X70 — heta ŭsio toj ža Geely Atlas Pro. Źniešnie X70 adroźnivajecca ad Atlas Pro tolki łahatypami, samoj nazvaj i niekatorymi inšymi małazaŭvažnymi drobiaziami.
Badaj, najbolšyja źmieny adbylisia ŭ tylnaj častcy aŭto, bo daviałosia zamianić nie prosta šyldzik, a cełuju chramiravanuju panel, na jakoj zamiest Geely ciapier napisana Belgee.
Admietna, što z zamienaj nazvy zhadak pra brend stała mienš. Tak, łahatypy źnikli ź piaredniaj i zadniaj optyki, a taksama z kaŭpačkoŭ na litych dyskach.
Ceny na aŭtamabili paśla rebrendynhu taksama nie źmianilisia. Pačynajucca jany z 77 640 rubloŭ (kala 24 250 dalaraŭ) za piaredniepryvadnuju viersiju ŭ kamplektacyi Comfort. Poŭnapryvadnyja X70 kaštujuć užo ad 85 560 rubloŭ (kala 26 700 dalaraŭ). Belgee X70 u topavaj kamplektacyi Flagship ź lukam kaštujuć 92 040 rubloŭ (kala 28 750 dalaraŭ).
Belgee X70 staŭ druhoj madellu aŭto, jakuju vypuskajuć pad ajčynnym brendam. Pieršaj była Belgee X50, jakaja źjaviłasia ŭ vyniku pierajmienavanaj Geely Coolray.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary