Akazvajecca, źbirajučy hryby, možna narvacca na štraf. Čaho rabić nielha?

Kali vy vyrašyli vypravicca ŭ les u hryby abo jahady, nieabchodna dla pačatku aznajomicca z interaktyŭnaj kartaj zabaron i abmiežavańniaŭ na naviedvańnie lasoŭ.

Kali rehijon, u jakim vy znachodziciesia, adznačany zialonym koleram — značyć, u les možna i ŭvachodzić, i zajazdžać. Žoŭty koler havoryć pra toje, što les dastupny tolki dla piešych prahułak, čyrvony — pra toje, što ŭ hety momant nazirajecca vysoki kłas pažarnaj niebiaśpieki, tamu les naviedvać zabaroniena.

Viedamstva nahadvaje: zbor daroŭ pryrody robicca biaspłatna i biez dakumientalnaha dazvołu heta rabić. 

Źbirać hryby i jahady možna praktyčna ŭsiudy. Vyklučeńnie — učastki lasnoha fondu, dzie jość abmiežavańni pa zbory. Havorka idzie pra lasy, raźmieščanyja ŭ miežach asabliva achoŭnych pryrodnych terytoryj, miescaŭ žyćcia dzikich žyvioł i rostu dzikarosłych raślin z Čyrvonaj knihi.

Nie atrymajecca sabrać hryby i jahady ŭ miežach typovych i redkich pryrodnych łandšaftaŭ i bijatopaŭ, pieradadzienych pad achovu karystalnikam ziamielnych učastkaŭ i vodnych abjektaŭ.

Źbirać jahady možna jak uručnuju, tak i z vykarystańniem ručnych prystasavańniaŭ. Pry hetym terminy pačatku zboru bruśnic i žuravin vyznačajucca abłvykankamami asobna rašeńniami. Siezon zboru astatnich vidaŭ jahad nadychodzić pa fakcie i pačynajecca, jak praviła, z paŭdniovych rehijonaŭ.

Važna pamiatać:

— Pry zbory čarnic i durnic ručnoje prystasavańnie nakiroŭvajecca pad vuhłom da vierchniaj častki kusta. Nie dapuskajecca traplańnie ŭ zubcy toŭstaj nižniaj častki parastka.

— Pry zbory žuravin ručnoje prystasavańnie ruchajecca pa pavierchni mochu i parastkaŭ žuravin.

— Ručnoje prystasavańnie dla zboru dzikarosłych jahad składajecca z zubcoŭ, jomistaści nazapašvalnika, trymalnika (ručki) i adpaviadaje nastupnym patrabavańniam:

• adlehłaść pamiž zubcami składaje nie mienš za 0,5 santymietra;
• korpus ručnoha prystasavańnia i zubcy vyrablajucca z płastmasy, mietału, draŭniny, humy abo ich kambinacyi;
• u ručnych prystasavańniach adsutničajuć režučyja krai ŭ zonie zryvańnia jahad.

Jašče adzin važny momant — pry zbory hryboŭ nielha čapać lasnuju padściłku. Jaje razhrabańnie zabaroniena pastanovaj Minlashasa.

U artykule 16.19 Kodeksa Respubliki Biełaruś ab administracyjnych pravaparušeńniach prapisana: «Parušeńnie ŭstanoŭlenych terminaŭ, prymianieńnie zabaronienych srodkaŭ abo mietadaŭ zboru abo narychtoŭki hryboŭ, inšych dzikarosłych raślin abo ich častak, draŭnianaha soku ci inšaje parušeńnie praviłaŭ zboru abo narychtoŭki — ciahnuć nakładańnie štrafu ŭ pamiery da dvaccaci bazavych vieličyń, na indyvidualnaha pradprymalnika — da sta bazavych vieličyń, a na jurydyčnuju asobu — da piacisot bazavych vieličyń».

• 1
• 0
• 0
• 1
• 0
• 0
• 0
• 0