Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje
Alaksandr Łukašenka 6 lipienia na śviacie «Aleksandryja źbiraje siabroŭ» uskosna pryznaŭ, što maje prablemy sa zdaroŭjem. Raniej «Dožd́» paviedamiŭ, što Łukašenku stała drenna ŭ Astanie na samicie ŠAS.
Vystupajučy ŭ Aleksandryi, Łukašenka paviedamiŭ, što ciažka pieranios apošnija dni i chacieŭ by niekatory čas pabyć na ŭschodzie Biełarusi.
«Ja chacieŭ by z vami padzialicca svaimi dumkami. Jany dla vas buduć, musić, vielmi važnyja. Lipień miesiac — zaŭsiody ciažkija časy dla prezidenta.
Vielmi šmat masavych mierapryjemstvaŭ. A samaje ciažkaje — heta kali vializnaja kolkaść ludziej, i kožny, hledziačy na ciabie, u tabie niešta šukaje: niedzie praklinaje, niedzie dziakuje, niedzie jašče niešta.
I hetaja vielizarnaja kolkaść ludziej vielmi ŭpłyvaje na čałavieka — asabliva takija, jak parad i inšyja ŭračystyja mierapryjemstvy. I jašče dadatkova nakłałasia nahruzka, źviazanaja z Kazachstanam, Astanoj, za 4000 kiłamietraŭ adsiul.
Ja heta havaru dla taho, što ciažkija takija dni.
I, viartajučysia dadomu, ja zahadzia zapłanavaŭ toje, što ja mušu pryziamlicca tut. Aeraport dobry, tamu što na ŭschodzie vielmi šmat nazapasiłasia spraŭ. Nu i adsiul u bližejšyja časy budu pracavać, hladzieć, jak my rychtujemsia da ŭradžaju», — skazaŭ jon.
Łukašenka dadaŭ, što na rodnaj ziamli jon chutka ačuniaje.
«I paśla hetaj voś nahruzki kali ty prychodziš na svaju rodnuju ziamlu, ty jak byccam akunaješsia ŭ inšy śviet. Heta, na samaj spravie nie nibyta — heta inšy śviet. Ty prychodziš da svaich vytokaŭ, tut tabie lepš, praściej. I litaralna za sutki ty stanovišsia zdarovym, mocnym. Jak i raniej, u tyja časy, kali ty chadziŭ pa hetaj ziamli. Ty vielmi chutka adnaŭlaješsia», — pryznaŭsia Łukašenka.
5 lipienia telekanał «Doždž» paviedamiŭ, što stan Łukašenki padčas vizitu na samit ŠAS u Astanie stała kiepska.
Ciapier čytajuć
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1
Kamientary